Савол: Ўзим ва 1 нафар вояга етмаган боламни боқиш учун ишга кириш масаласида Халқ таълими ва ўрта махсус, касб-ҳунар таълими бошқармаларига мурожаат қилдим. Аммо улар менинг ҳомиладорлигимни важ қилиб, ишга қабул қилишмаяпти. Ҳомиладор ва вояга етмаган боласи бор аёлларни ишга қабул қилишда қандай имтиёзлар мавжуд?
С.Қодирова, Бухоро шаҳри
Жавоб: Ўзбекистон Республикаси Меҳнат кодексининг 224-моддасига кўра ҳомиладорлиги ёки боласи борлиги сабабли аёлларни ишга қабул қилишни рад этиш ва уларнинг иш ҳақини камайтириш тақиқланади. Ҳомиладор аёлни ёки уч ёшга тўлмаган боласи бор аёлни ишга қабул қилиш рад этилган тақдирда, иш берувчи рад этишнинг сабабларини уларга ёзма равишда маълум қилиши шарт. Мазкур шахсларни ишга қабул қилишни рад этганлик устидан судга шикоят қилиниши мумкин.
Шунга кўра, Сиз мурожаат қилган корхона ва ташкилотдан ишга қабул қилишни рад этганлик сабабларини кўрсатган ҳолда ёзма равишда жавоб хати олишингиз ҳамда ушбу хатга асосан ишга қабул қилишни рад этганлик устидан судга шикоят қилишингиз мумкин.
Савол: Парламентимизда аёлларнинг ўрни ва уларнинг сони ҳақида маълумот берсангиз.
Л.Шодиева, Пешку тумани
Жавоб: Мамлакатимизда хотин-қизларнинг ижтимоий-ҳуқуқий муҳофазаси мустақилликнинг илк йиллариданоқ давлат сиёсати даражасига кўтарилган. Уларнинг жамиятдаги фаоллигини ошириб, ижтимоий ҳаётда ўз ўрнини топиши, барча соҳаларда эркаклар билан тенг ҳуқуқлилигини таъминлашга алоҳида эътибор қаратилди.
Саволларга Бухоро шаҳар 1-сон ФҲДЁ бўлими мудираси Зубайда Қурбонова жавоб берди.