Янгиликлар

Ислоҳотлар йўлида: бюрократиясиз фаровон ҳаёт сари

Мамлакат тараққиёти унинг ривожланиш даражаси асосан жамиятдаги турли хил тўсиқларнинг мавжуд ёки мавжуд эмаслигига ҳам боғлиқ. Бугунги кунда бизнинг мамлакатимиз мисолида олиб қараладиган бўлса йиллар давомида ўзгармай қотиб қолган, соғлом фикрли ҳар бир инсон кўнглини хира қилувчи бюрократик тўсиқлар мавжуд эдики, “Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида” Ўзбекистон Республикаси Президентининг фармони бу борада туб бурилиш ясади десак, муболаға бўлмайди.

Фармонда 3 та вазифани амалга ошириш кўзда тутилади.

1.    Лицензиялаш ва рухсат бериш тартиб-таомилларини тубдан такомиллаштириш.

2.    Бюрократик тўсиқларни бартараф этиш.

3.    Тадбиркорлик субъектлари фаолияти учун янада кенг шарт-шароитларни яратиш.

Жараён икки босқичда амалга оширилади.

биринчи босқичда (2020 йил давомида) — фуқаролар соғлиғига ва жамиятга зиён етказмайдиган лицензия ва рухсат этиш хусусиятига эга ҳужжатларнинг айрим турларини қисқартириш ва тартибга солишнинг муқобил усулларига ўтказиш, тадбиркорлик субъектларидан ортиқча ҳужжат талаб қилмаслик ва уларнинг вақт ҳамда маблағлари сарфланишини камайтириш учун тартиб-таомилларни соддалаштириш, тегишли ҳужжатларни бериш жараёнларини тўлиқ рақамлаштириш орқали шаффофликни таъминлаш;

иккинчи босқичда (2020-2021 йиллар давомида) — лицензиялаш ва рухсат бериш соҳасидаги қонун ҳужжатларини тизимлаштириш, давлат хизматлари кўрсатишнинг паспортларини ишлаб чиқиш, айрим турдаги лицензия ва рухсат этиш хусусиятига эга ҳужжатлар беришнинг намунавий маъмурий регламентларини жорий қилган ҳолда норматив-ҳуқуқий ҳужжатлар сонини тубдан қисқартириш;

2021 йил 1 январдан бошлаб  Лицензияланадиган фаолият ва рухсат этиш хусусиятига эга ҳужжатларнинг:

Айрим турлари бекор қилинади;

Айрим турлари бирлаштириш йўли билан бекор қилинади

Айрим турлари хабардор қилиш тартиби жорий этилиши йўли билан бекор қилинади;

Лицензияланадиган фаолият ва рухсат этиш хусусиятига эга ҳужжатларнинг айрим турларини расмийлаштириш муддатлари қисқартирилади.

Хабардор қилиш тартиби жорий этилган фаолият (ҳаракат) учун расмийлаштирилган лицензия ёки рухсат этиш хусусиятига эга ҳужжатларнинг амал қилиши ўз кучида қолади ва ушбу фаолият (ҳаракат)ни амалга ошириш учун ваколатли органни хабардор қилиш талаб этилмайди.

2021 йил 1 январдан бошлаб туризм фаолиятини лицензиялашда туроператорлар хизматларини сертификатлаш ихтиёрий этиб белгиланадиган бўлди.

Кредит бюролари фаолиятини лицензиялашда камида 10 та тижорат банки билан кредит алмашинувини амалга оширишга розилигини тасдиқловчи ҳужжат мавжудлиги талаби бекорқилинади.

дори воситалари ва тиббий буюмларни чакана реализация қилиш фаолиятини лицензиялашда ушбу фаолият учун лицензияга эга бўлган юридик шахслар томонидан уларнинг худди шундай фаолият билан шуғулланувчи филиаллари ташкил этилганда ҳар бир филиал манзилини асосий лицензияда кўрсатиш амалиётини жорий қилиш орқали филиалларга алоҳида лицензия расмийлаштириш амалиёти бекорқилинади.

ер қаъри участкаларидан фойдаланиш ҳуқуқи учун лицензия олишда талабгордан маҳаллий давлат ҳокимияти органларининг кафолат хатларини олишни талаб қилиш тартиби бекор қилинади.

Шофиркон туман адлия бўлими етакчи маслаҳатчиси Ш.Саидов