Bog'lanish

Telefon
(+998 65) 223-21-20

Elektron manzil
buxoro@adliya.uz

Xabarni yuborish
Ishonch telefoni 1008

Янгиликлар

07

Эпидемияга қарши курашда ўзаро ҳамкорлик

1.jpgМамлакатимиз мустақилликка эришилган дастлабки кунларданоқ оналар ва болалар соғлигига катта эътибор берилмоқда. Давлатимиз раҳбари томонидан 2014 йилни мамлакатимизда “Соғлом бола йили”деб эълон қилиш таклифи билдирилиб, соғлом боланинг дунёга келиши, бақувват бўлиб улғайиши билан боғлиқ муҳим мезонлар ҳақида алоҳида тўхталиб ўтилган эди.

Балоғат ёшига етмасдан турмуш қуришнинг ва қариндош уруғлар ўртасидаги никоҳларнинг олдини олишда адлия бошқармаси ва унинг тизимидаги идоралар томонидан ҳокимлик ва тиббиёт бирлашмалари, ички ишлар ва бошқа манфаатдор идоралар ходимлари билан ҳамкорликда вилоятдаги маҳалла фуқаролар йиғинлари ҳамда таълим муассасалари, шунингдек идора ва ташкилотларда бир қатор тарғибот тадбирлари ўтказилмоқда.

Дарҳақиқат, ўтган йиллар мобайнида мамлакатимизда она ва болалар соғлиғини сақлаш йўлида бир қанча ишлар қилинди.

Жумладан, 2003 йил 25 августдаги Вазирлар Маҳкамасининг қарори билан никоҳланувчи шахсларни тиббий кўрикдан ўтказиш тўғрисидаги низом тасдиқланиб, никоҳланувчи шахсларни 5 турдаги касаллик, яъни психик, наркологик, таносил, сил, ОИВ/ОИТС касалликлари бўйича тиббий кўрикдан ўтказилиши белгиланди.

Бухоро шаҳрида “Ҳамкор ташкилотлар ўртасидаги муносабатларни мустаҳкамлаш, ривожлантириш ҳамда ОИВ/ОИТС, сил ва безгакка қарши кураш йўналишида амалга оширилаётган ишлар” мавзусида бўлиб ўтган давра суҳбати айнан юқоридаги масалаларга бағишланди.

Тадбирда вилоятда ОИВ инфекциясини 2014 ва 2015 йилнинг ўтган 6 ойи мобайнида тарқалганлик даражаси, ОИВ инфекциясини жинси, ёши ва юқиш йўллари бўйича таҳлили, ОИВ инфекцияси билан диспансер назоратида турган беморларга кўрсатилаётган ихтисослаштирилган тиббий ёрдам, кадрлар билан таъминот, лабораторияларни замонавий диагностик аппаратуралар билан таъминлаш, аҳолининг хабардорлик даражасини ошириш йўналишида амалга оширилаётган ишлар, ҳамкор ташкилотлар билан тузилган меморандумлар ва улар билан ҳамкорликда олиб борилаётган ишлар, шунингдек, Глобал фонд томонидан кўрсатилаётган ёрдамлар тўғрисида маълумотлар берилди.

Шунингдек, Бухоро вилоятида сил касаллиги бўйича эпидемиологик вазият таҳлили, Глобал жамғарма ва бошқа халқаро хамкор ташкилотларни силни тарқалишини олдини олишдаги аҳамияти, сил касаллигини вилоятда тарқалганлик даражаси, касалланганларнинг ёши, жинси ва ҳудудлар бўйича таҳлили, шифо ўринлари, сил муассасаларини моддий-техника базаси, флюрография текширувлари тўғрисида ҳам таъкидлаб ўтилди.

1.jpgБундан ташқари, вилоятда безгак касаллиги бўйича эпидемиологик вазият юзасидан безгак касаллиги, унинг келиб чиқиши, тарқалиши, безгак касалллигини тарқатувчи пашшалар, патогенези, клиникаси, даволаш асослари тўғрисида фикр-мулоҳазалар билдирилди.

Давра суҳбати савол-жавоб ва фикр-мулоҳазаларга бой тарзда ўтиб, иштирокчилар томонидан келгусида ҳам худди шундай тадбирлар ўтказилиши ҳақида келишиб олинди.

И.Раупов, Бухоро шаҳар 7-сон ДНИ нотариус стажёри