Янгиликлар

ҲУҚУҚИЙ БАЗА ТАКОМИЛЛАШТИРИЛМОҚДА

Мамлакатимиз мустақилликка эришгач, ўз олдига демократик ҳуқуқий давлат ва адолатли фуқаролик жамиятини барпо этишни мақсад қилиб қўйди. Юртимизда амалга оширилаётган ислоҳотлар даврида инсон ҳуқуқлари ва эркинликларини ҳимоя қилиш асосий ва долзарб вазифалардан бири қилиб белгиланган.

Бухоро вилоят адлия бошқармаси томонидан Ўзбекистон Республикаси Олий Мажлисининг Инсон ҳуқуқлари бўйича вакили (Омбудсман)нинг Бухоро вилоят миинтақавий вакили ҳамда вилоят Йўл ҳаракати хафзизлиги бошқармаси билан ҳамкорликда “Инсон ҳуқуқлари – қонун ҳимоясида” мавзусида давра суҳбати ташкил этилди.

Тадбирда адлия бошқармаси ва Йўл ҳаракати хавфзизлиги бошқармаси ходимлари иштирок этишди.

Маърузачилар томонидан ҳаракатланиш хавфсизлигини таъминлаш ишларининг самарадорлигини оширишда йўл ҳаракати қоидаларининг беқиёслиги, шу сабабли қоидалар доимий ва узлуксиз, маҳаллий шарт-шароит, йўл ҳаракати хафсизлигини таъминлаш соҳасида орттирилган тажрибалар асосида такомиллаштирилиб борилаётганлиги таъкидланди.

Шунингдек, сўнгги йилларда амалда бўлган йўл ҳаракати қоидаларига бир неча бор ўзгартириш ва қўшимчалар киритилди. Бунинг ёрқин мисоли сифатида Ўзбекистон Республикаси Вазирлар Маҳкамаси томонидан 2015 йил 24 декабрь куни қабул қилинган “Йўл ҳаракати қоидаларини тасдиқлаш тўғрисида”ги қарорни айтишимиз мумкин.

Тадбир баҳс-мунозараларга бой тарзда ўтиб, ходимлар томонидан берилган саволларга жавоблар берилди.

Тадбир якунида, янги қабул қилинган қоидалар аввало, ҳаракат иштирокчиларининг хафсизлигини хизмат қилиши, унинг талабларини сўзсиз бажариш эса келгусида йўлларимизда хавфсиз ҳаракатланишни таъминлаш, инсонларнинг соғлигини ва ҳаётини муҳофаза қилишдан иборат эканлиги таъкидланди.