Янгиликлар

Китоб – эзгулик, садоқат ва меҳр-оқибат элчиси.

Давлатимиз раҳбари томонидан мамлакатимизда амалга оширилаётган маънавий-маърифий ислоҳотлар жараёнида китобхонлик маданиятига ҳам алоҳида аҳамият қаратилмоқда.

Китоб мутолаа қилиш инсонларни эзгуликка, меҳр-оқибатга даъват этади, миллий ва умуминсоний қадриятларга ҳурмат туйғуларини юксалтиради. Ёш авлод қалбида Ватанга муҳаббат, юртга садоқат туйғуларини камол топтиришнинг энг муҳим воситаси бу - китобдир.

Бухоро вилоят адлия бошқармаси ходимлари томонидан ҳам ихтиёрийлик асосида бу борадаги хайрия ишларда ўз ҳиссаларини қўшмоқдалар.

Жумладан, Бухоро шаҳар 13-сон ДНИ нотариуси Сафарова Феруза ва 9-сон ДНИ нотариуси Шеров Эркинлар томонидан Бухоро шаҳридаги 32-сон “Меҳрибонлик уйи” тарбияланувчиларига 50 та китоб ҳамда мактабда фойдаланишлари учун ўқув қуроллари топширилди.

                                               Ҳуқуқий тарғибот ва маърифат бўлими.