Янгиликлар

Болалар қувончи – бахтдан нишона!

Болалар... Улар бизнинг келажагимиз, бошлаган эзгу ишларимизнинг давомчилари, кўзимизнинг нури, қалбимиз сурури. Улар билан ҳаётимиз обод, кўнглимиз чароғон. Шу сабабли ҳам болаларимиз бахтли бўлишлари учун ҳамма нарсамизни беришга тайёрмиз. 

Ўзбекистон Республикаси Адлия вазирлиги ҳамда Мактабгача таълим вазирлиги ўртасида Мактабгача таълим муассасаларида болаларнинг ҳуқуқий онг ва ҳуқуқий маданиятини шаклантириш бўйича 2020 йилга мўлжалланган чора-тадбирлар дастурига асосан адлия ходимлари Мактабгача таълим ташкилотлари ходимлари билан ҳамкорликда боғчаларда “Конституция куни”. “Зумрад қиш” ҳафталигини самарали ташкил этиб, болаларга эзгулик, тўғрилик, ростгўйлик, ҳалоллик каби фазилатларни шакллантириш мақсадида турли кўнгилочар тадбирлар ўтказилди.

Тадбирлар давомида болажонлар турли қизиқарли ўйинлар ҳамда ўзларининг концерт дастурлари орқали билимга чанқоқ эканликларини намойиш этишди, ходимларимиз ҳам болажонлар билан биргаликда турли мусобақалар уюштириб байрам тадбирини янада файзли ўтишига ўз хиссаларини қўшишди ва болаларнинг билимга бўлган иштиёқини ошириш мақсадида "Энг одобли болакай" номинациялари бўйича турли эсдалик совғалари билан тақдирландилар.

Болажонларга кўрсатилаётган бу эътибор барчамизнинг унумли ишлашимизга яна бир сабаб бўлиб хизмат қилади, албатта.

Ҳуқуқий тарғибот ва маърифат бўлими