Янгиликлар

Ёш авлоднинг тарбиясида театрнинг ўз ўрни бор.

Мамлакатимизда жамият ҳаётининг маънавий-маърифий асосларини мустаҳкамлаш, аҳоли, айниқса, ёш авлоднинг маданий савиясини ошириш, уларда Ватанимизга нисбатан дахлдорлик ва масъулият туйғусини юксалтириш, ёт ғояларга қарши иммунитетини мустаҳкамлашга йўналтирилган тарғибот-ташвиқот ишларини жадаллаштириш йўлида самарали ишлар қилинмоқда.

Жумладан, жорий йилнинг 4 март куни Бухоро шаҳар адлия бўлими ҳамда шаҳар маънавият ва маърифат бўлими томонидан шаҳардаги 22-сонли умумий ўрта-талим мактаби юқори синф ўқувчилари учун Бухоро вилоят мусиқали драма театрига ташрифи ташкиллаштирилди.

Тадбир олди ўқувчи-ёшларга ташкилотчилар томонидан коррупция, экстремизм, миссионерлик ва прозелитизмнинг салбий оқибатлари хусусида тушунтиришлар берилиши билан бирга, бола ҳуқуқлари ҳақида ҳам сўз юритилиб, бу борада флаерлар ҳам тарқатилиши таъминланди ва кейинчалик драмма театри актёр ва актрисалари томонидан "Разолат қурбонлари" номли спектакл намойиш этилди.

Бухоро шаҳар адлия бўлими бошлиғи А.Бафаев