Янгиликлар
24
Фуқаро ишга тикланди
Бироқ иш берувчи томонидан ходимга унинг меҳнат дафтарчасини ва меҳнат шартномасининг бекор қилиниши ҳақидаги буйруқ нусхаси мурожаатчи вилоят адлия бошқармасига шикоят қилгунга қадар берилмаган.
- Ўзбекистон Республикаси Меҳнат кодексининг 107-моддасида меҳнат шартномасини бекор қилиш ишга қабул қилиш ҳуқуқига эга бўлган шахслар томонидан амалга оширилиши ва буйруқ билан расмийлаштирилиши, охирги иш куни меҳнат шартномаси бекор қилинган кун деб ҳисобланиши, 108-моддага кўра меҳнат шартномаси бекор қилинган куни иш берувчи ходимга унинг меҳнат дафтарчасини ва меҳнат шартномасининг бекор қилиниши ҳақидаги буйруқнинг нусхасини бериши шартлиги белгиланган, - дейди бошкарманинг Инсон ҳуқуқларини ҳимоя қилиш бўлими бошлиғи Туйгун Азимов.
- Шунингдек, Ўзбекистон Республикаси Адлия вазирлиги томонидан 1998 йил 29 январда 402-сон билан давлат рўйхатидан ўтказилган “Меҳнат дафтарчаларини юритиш тартиби тўғрисида”ги Йўриқномага асосан меҳнат шартномаси бекор қилинган куни иш берувчи ходимга унинг меҳнат дафтарчасини ва меҳнат шартномасининг бекор қилиниши ҳақидаги буйруқнинг нусхасини бериши шартлиги, иш берувчи айби билан меҳнат дафтарчасини бериш кечиктирилса, у ҳолда бутун кечиктирилган давр учун ходимга ўртача ойлик иш ҳақи тўланиши, ходим ишдан бўшаганда меҳнат дафтарчасини олганлиги тўғрисида шахсий варақасига ва ходимлар бўлимидаги ҳисобот китобига имзо қўйиши керак. Бундан ташқари, Йўриқноманинг 3.3-бандида меҳнат шартномаси бекор қилинган куни ходим ишда бўлмаган тақдирда, иш берувчи ўша куниёқ унга почта орқали меҳнат дафтарчасини олиб кетиш тўғрисида огоҳлантирувчи хабарнома жўнатиши белгиланган.
Юқоридаги ҳолатлардан келиб чиқиб, вилоят адлия бошқармаси томонидан тегишли ташкилотга тақдимнома ҳамда фуқаронинг манфаатида ФИБ Бухоро туманлараро судига 2020 йилнинг 20 мартдаги 23-сонли буйруқни бекор қилиш ва мурожаат муаллифини ишга тиклаш ҳамда ғайриқонуний равишда меҳнат шартномаси бекор қилинганлиги сабабли мажбурий ишга чиқмагани учун компенсация тўлови ва маънавий зарарни ундириш юзасидан даъво ариза киритилиши натижасида қонун бузилиш ҳолатига йўл қўйган ходимга нисбатан интизомий жазо чораси қўлланилди. Буйруқ бекор қилиниб, фуқаро С.М. ишга тикланди ва мажбурий ишга чиқмаган кунлари учун 2 768 413 сўм миқдорида иш ҳақи ҳамда маънавий зарар учун 2 000 000 сўм ундирилиши белигиланди.
Зариф Комилов, ЎзА