Янгиликлар

Sayyor qabul: murojaatlar yechimiga xizmat qiladi

  Viloyat adliya boshqarmasi boshlig‘i o‘rinbosari Shuxrat Toyirov tomonidan bugun, 27 aprel kuni Qorako‘l tumani "Sayyod" MFY hududida mutasaddi tashkilotlar ishtirokida mahalliy aholi uchun sayyor qabul o‘tkazildi.

Sayyor qabulda hudud aholisining shaxsiy hamda umumiy muammolari, taklif va mulohazalari tinglanib, joyida bartaraf etishga alohida e’tibor qaratildi. Unda 40 nafarga yaqin fuqaro ishtirok etib, 30 ga yaqin murojaat bo‘yicha huquqiy tushuntirish berilgan bo‘lsa, 9 ta murojaat yechimi ma’lum vaqt talab etishi sababli tegishli tartibda ko‘rib chiqish uchun nazoratga olindi.

- Bugun fuqarolarni qiynayotgan muammo va kamchiliklarning mutasaddilar tomonidan joyiga borib o‘rganilayotgani, amaliy yordam ko‘rsatilayotgani aholini mamnun qilmoqda, - deydi "Madad" NNTning hududiy byurosi bosh mutaxassisi O’ktam Haydarov – Muhimi, xalqimiz o‘zlarini qiynab kelayotgan masalalarning bartaraf etilayotganini, murojaatlar qog‘ozda emas, amalda o‘z yechimini topayotganligini dildan his etmoqda.

E’tiborlisi, tashkilot rahbar xodimlari tomonidan o‘tkazilayotgan bu kabi sayyor qabullar aholi bilan yuzma-yuz muloqot asosida odamlarni qiynayotgan muammolarni aniqlash va bartaraf etishda muhim ahamiyatga egadir.

Jahongir Ashurov,
Huquqiy targ’ibot va ma`rifat bo’limi
yetakchi maslahatchisi