Янгиликлар

"Ойнинг энг яхши ходими" эълон қилинди

Бошқарманинг Хўжалик фаолияти ва меҳнатни муҳофаза қилиш бўлими бошлиғи Давронов Акбар Акрамжонович бошқарма томонидан жорий йилнинг август  ойи учун “Ойнинг энг яхши ходими” деб топилди.

    Акбар Акрамжоновичнинг адлия органларидаги фаолияти 2018 йилдан бошланган бўлиб,  2018 йилнинг май-октябрь ойларида бошқарма катта ҳисобчиси лавозимида,  2018  йилнинг октябрь ойидан ҳозирги кунига қадар бошқармада бўлим бошлиғи лавозимида фаолият юритиб келмоқда.

    У бўлим фаолияти йўналишидан келиб чиқиб, ходимнинг меҳнат жараёнидаги хавфсизлиги, сиҳат-саломатлиги ва иш қобилияти сақланишини таъминлашга қаратилган ижтимоий-иқтисодий, ташкилий ва техникавий жиҳатдан изчил ва бир хилда таъминланишида  ўз ҳиссасини қўшиб келмоқда.

    Бошқарма жамоаси Давронов Акбар Акрамжоновични мазкур эътироф билан табриклайди ва келгусидаги ишларида муваффақият доимий ҳамроҳ бўлишини тилайди.