Янгиликлар

Вобкентда сайёр қабул ўтказилди

Жорий йилнинг 25 август куни Вобкент тумани "Гулистон" МФЙда туман адлия бўлими тегишли ташкилотлар билан ҳамкорликда аҳоли муаммоларини ҳал этиш мақсадида жисмоний ва юридик шахсларнинг вакилларини сайёр қабул қилиш тадбири ташкил этилди.

Қабулда “Аёллар дафтари”га киритилган тумандаги 20 нафар ҳуқуқий ёрдамга муҳтож бўлган хотин-қизлар билан суҳбат ташкил этилди. Аёллар томонидан билдирилган ҳар бир мурожаат юзасидан ҳуқуқий маслаҳат берилди.

Шунингдек, тадбирда соҳа мутахассислари томонидан қонуний ҳуқуқ ва эркинликлардан фойдаланишда жинс бўйича камситишга йўл қўймаслик, бунда миллий қонунчилигимизда “гендер” тушунчаси мавжудлиги ва унга кўра, гендер – хотин-қизлар ва эркаклар ўртасидаги муносабатларнинг жамият ҳаёти ва фаолиятининг барча соҳаларида, шу жумладан, сиёсат, иқтисодиёт, ҳуқуқ, мафкура ва маданият, таълим, илм-фан соҳаларида намоён бўладиган ижтимоий жиҳат ҳисобланиши тўғрисида ҳамда сайлов қонунчилиги юзасидан тушунчалар бериб ўтилди.

Тадбир давомида алимент пулларини ундириб бериш, уй жойини кадастр килиш, ёшга доир нафақа пули олиш, болаларнинг ҳужжатларини расмийлаштириш, нафақа пули тайинлаш каби масалалар бўйича мурожаатлар қилиниб, улар жойида ҳал этиш чоралари кўрилди.

Вобкент туман адлия бўлими