Янгиликлар

Участка сайлов комиссиялари таркиби тасдиқланди

Ўзбекистон Республикаси Президенти сайловини ўтказувчи  3-Бухоро округ сайлов комиссиясининг навбатдаги йиғилиши бўлиб ташкил этилди.

Унда вилоят ҳудудидаги 610 та участка сайлов комиссиялари таркиби  тасдиқланди.

Маълумки, жорий йилнинг 6-8 сентябрь кунлари бўлиб ўтган халқ депутатлари туман ва шаҳар Кенгашларининг сессияларида 610 та участка сайлов комиссияси аъзолигига 8712 нафар номзод 3-Бухоро округ сайлов комиссиясига тасдиқлаш учун тавсия этилганди. Комиссия таркибида ёшлар, жамоатчилик вакиллари, тадбиркорлар, сайловларда илгари иштирок этган ва аҳоли ўртасида обрў-эътибор қозонган фуқаролар, 3 нафардан АКТ мутахассислари, чет тилини биладиганлар, ёшлар, имконияти чекланган вакиллари, фаол хотин-қизлар ўрин олган.

Шунингдек, йиғилишда участка сайлов комиссиялари аъзолари учун ўқувларни юқори савияда ташкил этиш, участка сайлов комиссиялари иши самарадорлигини таъминлаш мақсадида ҳудудларга бириктирилган округ сайлов комиссияси аъзолари томонидан услубий ёрдамлар бериб бориш механизмлари ҳақида ҳам атрофлича фикр алмашилди.