Янгиликлар

"Konstitutsiya – milliy taraqqiyotimiz ko‘zgusi" va “Madhiyam faxrim” mavzularida ma’naviy-ma’rifiy tadbir o‘tkazildi.

   O‘zbekiston Respublikasi Konstitutsiyasi hamda davlat madhiyasi qabul qilinganligining 29 yilligi munosabati bilan Buxoro viloyati yuridik texnikumi tomonidan "Konstitutsiya – milliy taraqqiyotimiz ko‘zgusi" va “Madhiyam faxrim” mavzularida ma’naviy-ma’rifiy tadbir o‘tkazildi.

Tadbirda yoshlarning ongi va qalbida vatan taqdiriga daxldorlik, mas’uliyat hissini yanada kuchaytirish masalalari xususida o‘zaro fikr almashildi. Ana shu g‘oyalarni yoshlarimizga singdirish barobarida ularning huquqiy madaniyatini yuksaltirish har birimizning burchimiz bo‘lmog‘i lozimligi alohida qayd etildi.

Tadbir davomida Konstitutsiyamiz va madhiyamiz yaratilish tarixi, bularning demokratik-huquqiy davlat barpo etish va inson manfaatlarini ta’minlashdagi ahamiyati, Bosh Qomusimizning xalqchilligi, xalqaro huquq normalariga mosligi haqida atroflicha ma’lumot berildi.

Shuningdek, Konstitutsiyani madh etuvchi o‘zbek, ingliz va rus tillarida she’rlar o‘quvchi yoshlar tomonidan aytildi.

Tadbir davomida Konstitutsiya hamda madhiyaning 29 yillik bayrami munosabati bilan “Konstitutsiyamizning hayotbaxsh qudrati” hamda “Madhiyam g‘ururim” shiorlari ostida tashkil etilgan maqolalar tanlovi, 9-dekabr Xalqaro Korrupsiyaga qar kurashish kuni munosabati bilan “Yoshlar Korrupsiyaga qarshi” shiori ostida tashkil etilgan insholar va devoriy gazetalar tanlovlarida faol ishtirok etgan o‘quvchilar taqdirlandilar.

Inson huquqlari kafolotlari konstitutsiya va qonunlarga bog‘liqligini o‘zida aks ettirgan sahna ko‘rinishlari o‘quvchilar tomonidan tayyorlanib namoyish etildi.