Bog'lanish

Telefon
(+998 65) 223-21-20

Elektron manzil
buxoro@adliya.uz

Xabarni yuborish
Ishonch telefoni 1008

O‘zbekiston Respublikasi Prezidentining 2018 yil 13 apreldagi PQ-3666-son “O‘zbekiston Respublikasi Adliya vazirligi faoliyatini yana-da takomillashtirishga doir tashkiliy chora-tadbirlari to‘g‘risida”gi Qarori bilan tasdiqlangan Nizomda Adliya vazirligining jamiyat va davlat boshqaruvini takomillashtirishdagi roli belgilab berilgan.

Mazkur Nizom asosida hududiy adliya organining vazifa va funksiyalari ishlab chiqilgan.

O‘zbekiston Respublikasi
adliya vazirining
2022-yil 12-iyuldagi
147-um-son buyrug‘iga
2-ilova

Buxoro viloyat adliya boshqarmasi

va tuman (shahar) adliya bo‘limlari to‘g‘risida

NIZOM

I. Umumiy qoidalar

1. Mazkur Nizom O‘zbekiston Respublikasi Prezidentining 2018 yil 13 apreldagi PQ–3666-son “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlari to‘g‘risida”gi qaroriga muvofiq Buxoro viloyat adliya boshqarmasi (bundan buyon matnda Boshqarma deb yuritiladi) hamda tuman (shahar) adliya bo‘limlarining (bundan buyon matnda Bo‘limlar deb yuritiladi) huquqiy maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini, shuningdek ularning rahbarlarining funksional vazifalari va mas’uliyatini belgilaydi.

2. Boshqarma va Bo‘limlar O‘zbekiston Respublikasi Adliya vazirligining (bundan buyon matnda Vazirlik deb yuritiladi) vakolati doirasiga kiruvchi vazifalarni o‘zi faoliyat ko‘rsatayotgan hududda amalga oshiruvchi davlat boshqaruvi organi hisoblanadi.

Boshqarma tizimiga Boshqarma tarkibiy bo‘linmalari, tuman (shahar) adliya bo‘limlari, notarial va FHDY arxivlari hamda yuridik texnikum kiradi.

Bo‘limlar tizimiga Inson huquqlarini himoya qilish va huquqni qo‘llash amaliyotini o‘rganish bo‘linmasi, Yuridik xizmat ko‘rsatish markazi, Davlat xizmatlari markazi hamda uning filiallari, FHDY organlari va notarial idoralar kiradi.

Boshqarma va Bo‘limlar mahalliy davlat hokimiyati organlaridan mustaqildir va bevosita Vazirlikka bo‘ysunadi.

Boshqarma va Bo‘limlar huquqni muhofaza qiluvchi organlar hisoblanadi.

3. Boshqarma va Bo‘limlar o‘zining faoliyatida O‘zbekiston Respublikasining Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari va farmoyishlariga, boshqa normativ-huquqiy hujjatlarga, O‘zbekiston Respublikasi Adliya vazirligi to‘g‘risidagi nizom, Vazirlik Hay’atining qarorlari, O‘zbekiston Respublikasi adliya vazirining (bundan buyon mantda Vazir deb yuritiladi) buyruqlari va farmoyishlariga, shuningdek mazkur Nizomga amal qiladi.

4. Boshqarma yuridik shaxs hisoblanadi, O‘zbekiston Respublikasi Davlat gerbi tasviri tushirilgan muhrga va blankalarga, mustaqil balansga, shaxsiy g‘azna hisobvaraqlariga, bank hisob raqamlariga, shu jumladan, xorijiy valyutadagi bank hisob raqamlariga ega bo‘lishi mumkin.

5. Boshqarmaning rasmiy nomi:

a) davlat tilida:

to‘liq nomi – “O‘zbekiston Respublikasi Adliya vazirligi Buxoro viloyat adliya boshqarmasi”, qisqartirilgan nomi – “Buxoro viloyat adliya boshqarmasi” yoki “Adliya boshqarmasi”;

b) rus tilida:

to‘liq nomi – “Министерство юстиции Республики Узбекистан Управление юстиции Бухарской области”, qisqartirilgan nomi – “Управление юстиции Бухарской области” yoki “Управление юстиции”;

v) ingliz tilida:

to‘liq nomi – “Ministry of Justice of the Republic of Uzbekistan Bukhara region department of Justice”, qisqartirilgan nomi – “Bukhara region department of Justice” yoki “Department of Justice”.

6. Bo‘limlar yuridik shaxs hisoblanmaydi, xo‘jalik yurituvida yoki operativ boshqaruvda alohida mol-mulkka ega bo‘lmaydi.

7. Boshqarma va Bo‘limlar o‘z faoliyatini boshqa davlat boshqaruvi organlarining hududiy bo‘linmalari, mahalliy davlat hokimiyati organlari, huquqni muhofaza qiluvchi va nazorat tuzilmalari hamda boshqa tashkilotlar bilan o‘zaro hamkorlikda amalga oshiradi.

II. Boshqarma va Bo‘limlarning vazifalari va funksiyalari

8. Quyidagilar Boshqarmaning asosiy vazifalari hisoblanadi:

huquq ijodkorligi sohasida yagona davlat siyosati yuritilishini ta’minlash;

normativ-huquqiy hujjatlar va ular loyihalarining tartibga solish ta’sirini baholash hamda korrupsiyaga qarshi ekspertizadan o‘tkazish;

huquqiy axborotni tarqatish va undan foydalanishni ta’minlash;

huquqiy targ‘ibotni amalga oshirish hamda davlat organlari va tashkilotlarining hududiy bo‘linmalarida huquqiy targ‘ibot sohasidagi ishlarini muvofiqlashtirish;

davlat organlari hududiy bo‘linmalari, xo‘jalik birlashmalari hamda mahalliy davlat hokimiyati organlari faoliyatida huquqni qo‘llash amaliyotini izchil va bir xilda ta’minlash bo‘yicha choralarni amalga oshirish;

fuqarolarning huquqlari, erkinliklari va qonuniy manfaatlarini huquqiy himoya qilish bo‘yicha choralarni amalga oshirish;

qonunchilik hujjatlari va topshiriqlarning o‘z vaqtida, to‘liq va sifatli amalga oshirilishini ta’minlash yuzasidan sohalar, hududlar va idoralar kesimida manzilli va tematik tahliliy o‘rganishlarni olib borish va joylardagi holat monitoringini yuritish;

davlat organlari va tashkilotlarining hududiy bo‘linmalari yuridik xizmatlari faoliyatini muvofiqlashtirish va nazorat qilish, ularning faoliyatiga uslubiy ko‘maklashish;

notariat, advokatura hamda jismoniy va yuridik shaxslarga huquqiy xizmat ko‘rsatuvchi boshqa tuzilmalarning samarali faoliyat ko‘rsatishini ta’minlash;

nodavlat notijorat tashkilotlarning faoliyatini rivojlantirish borasidagi davlat siyosatini amalga oshirish, ularning davlat organlari va tashkilotlarining hududiy bo‘linmalari bilan o‘zaro hamkorligini tashkil qilishga ko‘maklashish;

ma’muriy tartib-taomillar sohasidagi yagona davlat siyosatini amalga oshirishni ta’minlash;

jismoniy va yuridik shaxslarga davlat xizmatlari ko‘rsatish sohasidagi yagona davlat siyosatini amalga oshirishni ta’minlash;

davlat xizmatlari ko‘rsatish sohasida qonun hujjatlariga rioya etilishi ustidan monitoring olib borish va nazorat qilish;

davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlar hududiy bo‘linmalari faoliyatini nazorat qilish va samaradorligini baholash;

intellektual mulk sohasida yagona davlat siyosatining amalga oshirilishini ta’minlash hamda ixtirolar, tovar belgilari, mualliflik huquqi va boshqa intellektual mulk ob’ektlariga bo‘lgan huquqlarni himoya qilish;

yuridik kadrlarni tayyorlash, qayta tayyorlash va malakasini oshirishni tashkil etish, yurisprudensiya sohasidagi fundamental va amaliy tadqiqotlarni amalga oshirishni ta’minlash.

9. Boshqarma o‘ziga yuklangan vazifalarga muvofiq quyidagi funksiyalarni amalga oshiradi:

1)  huquq ijodkorligi sohasida yagona davlat siyosatini yuritish sohasida:

konstitutsiyaviy normalarni amalga oshirish, inson huquqlari va erkinliklarini ta’minlash, jamiyatda qonunga rioya etish va hurmat ruhini mustahkamlash maqsadida vakolati doirasida huquqiy siyosatning ustuvor yo‘nalishlarini ishlab chiqishda ishtirok etadi;

davlat organlari va tashkilotlari hududiy bo‘linmalarining huquq ijodkorligi masalalari bo‘yicha faoliyatini muvofiqlashtiradi va uslubiy rahbarlikni amalga oshiradi;

davlat organlari va tashkilotlari hududiy bo‘linmalarining huquq ijodkorligi faoliyatining monitoringi va tahlilini amalga oshiradi;

mahalliy davlat hokimiyati organlarining normativ-huquqiy hujjatlari loyihalarini qonunchilikka, xalqaro shartnomalar normalariga, mamlakatda amalga oshirilayotgan islohotlarning maqsad va vazifalariga, qonunchilik texnikasi qoidalariga muvofiqligini, ularni korrupsiyaga, boshqa huquqbuzarliklarni sodir etishga shart-sharoit yaratuvchi, shuningdek jismoniy va yuridik shaxslar uchun ortiqcha ma’muriy va boshqa cheklovlarni joriy etuvchi qoidalar va normalarni aniqlash nuqtai nazaridan huquqiy ekspertizadan o‘tkazadi;

qonunchilik hujjatlaridagi huquqiy nuqsonlarni, huquqbuzarliklarni sodir etishga shart-sharoit yaratuvchi, shuningdek jismoniy va yuridik shaxslar uchun ortiqcha ma’muriy va boshqa cheklovlarni joriy etuvchi qoidalar va normalarni aniqlaydi va ularni bartaraf etish bo‘yicha takliflar tayyorlaydi;

mahalliy davlat hokimiyati organlarining yer munosabatlari sohasidagi qarorlari loyihalarini huquqiy ekspertizadan o‘tkazadi;

o‘z tashabbusiga ko‘ra normativ-huquqiy hujjatlar loyihalarini ishlab chiqadi va ularni ko‘rib chiqish uchun belgilangan tartibda kiritadi;

normativ-huquqiy hujjatlarni ishlab chiqish bo‘yicha takliflarni mahalliy davlat hokimiyati organlariga ko‘rib chiqish uchun kiritadi;

Vazirning topshirig‘iga asosan mahalliy davlat hokimiyati organlarining normativ-huquqiy hujjatlariga rasmiy sharhlarning loyihalari bo‘yicha xulosalar beradi;

mahalliy davlat hokimiyati organlarining normativ-huquqiy hujjatlarini huquqiy ekspertizadan o‘tkazish, qabul qilish, e’lon qilish va manfaatdor shaxslar e’tiboriga yetkazishning belgilangan tartibiga rioya qilinishi ustidan nazoratni amalga oshiradi;

davlat organlari va tashkilotlarining hududiy bo‘linmalari tomonidan normativ-huquqiy hujjatlarning turkumlashtirilgan hisobini yuritish tartibiga rioya qilinishi ustidan nazoratni amalga oshiradi;

mahalliy davlat hokimiyati organlari normativ-huquqiy hujjatlarining nazorat nusxalarini yuritadi, ularning bankini (fondini) shakllantiradi;

Boshqarma faoliyati sohasidagi qonun hujjatlarini qo‘llash bo‘yicha tushuntirishlar beradi;

2)  normativ-huquqiy hujjatlar va ular loyihalarining tartibga solish ta’sirini baholash hamda korrupsiyaga qarshi ekspertizadan o‘tkazish faoliyatni muvofiqlashtirish sohasida:

normativ-huquqiy hujjatlar va ular loyihalarining tartibga solish ta’sirini baholashda hamda ularni korrupsiyaga qarshi ekspertizadan o‘tkazishda ishtirok etadi;

davlat organlari va tashkilotlari yuridik xizmat xodimlarining normativ-huquqiy hujjatlar va ularning loyihalarini korrupsiyaga qarshi ekspertizadan o‘tkazish faoliyatini baholashda ishtirok etadi;

normativ-huquqiy hujjatlar va ular loyihalarini tartibga solish ta’sirini baholash hamda korrupsiyaga qarshi ekspertizadan o‘tkazish sohasidagi qoidabuzarliklarni bartaraf etish bo‘yicha ta’sir choralarini ko‘radi;

3)  huquqiy axborotni tarqatish va undan foydalanishni ta’minlash sohasida:

davlat organlari va tashkilotlari hududiy bo‘linmalarining huquqiy axborotni tarqatish va undan foydalanish imkoniyatini yaratish sohasidagi faoliyatini muvofiqlashtiradi, uslubiy rahbarlikni va nazoratni amalga oshiradi;

normativ-huquqiy hujjatlar va tegishli axborot-tahliliy materiallarning barcha davlat organlari va tashkilotlarining hududiy bo‘linmalariga o‘z vaqtida yetkazilishini ta’minlaydi;

huquqiy axborotni yig‘ish, qayta ishlash va tahlil qilishning dasturiy-texnik vositalari va texnologiyalari joriy etilishi yuzasidan takliflar ishlab chiqadi;

mahalliy davlat hokimiyati organlarining normativ-huquqiy hujjatlarini rasmiy manba orqali e’lon qilinishini va rasmiy nashr etilishini tashkil etadi;

4)  huquqiy targ‘ibotni amalga oshirish hamda davlat organlari va tashkilotlarining hududiy bo‘linmalari faoliyatida huquqiy targ‘ibot sohasidagi ishlarini muvofiqlashtirish sohasida:

huquqiy targ‘ibotni amalga oshirish hamda aholiga qonunchilik hujjatlarining mohiyati va ahamiyatini yetkazishni tashkil qiladi;

davlat organlari va tashkilotlari hududiy bo‘limlari tomonidan huquqiy targ‘ibot bo‘yicha olib borilgan ishlarni o‘rganadi;

davlat organlari va tashkilotlari hududiy bo‘limlarining huquqiy axborotdan keng ko‘lamda foydalanishini ta’minlaydi, ularning fuqarolik jamiyati institutlari va ommaviy axborot vositalari bilan samarali hamkorlik qilish bo‘yicha faoliyatini muvofiqlashtiradi;

qonunchilikning mohiyati va ahamiyati to‘g‘risida xabardor qilishning sifatini tubdan oshirish, ushbu faoliyatni tashkil qilishda prinsipial yangi yondashuvlarni ishlab chiqish bo‘yicha takliflar beradi;

qonunchilikning mohiyati va ahamiyati to‘g‘risida xabardor qilishning sifatini tubdan yaxshilash maqsadida keng jamoatchilik fikrini o‘rganadi va tahlil qiladi;

huquqiy savodsizlikni yo‘q qilishga, jamiyatda inson huquq va erkinliklariga xurmat munosabatini shakllantirishga qaratilgan aholining huquqiy ongi va xuquqiy madaniyati darajasini yuksaltirish bo‘yicha choralarni amalga oshiradi;

eng dolzarb, aholini qiziqtiradigan masalalarni belgilaydi va ular bo‘yicha manzilli va predmetli huquqiy targ‘ibotni amalga oshiradi, aholiga qonun hujjatlari mazmuni, mohiyati va ahamiyatini yetkazish bo‘yicha choralar ko‘radi;

jamiyatda huquqiy madaniyatni yuksaltirish bo‘yicha chora-tadbirlar Dasturlarida belgilangan tadbirlarning hududda amalga oshirilishiga amaliy yordam ko‘rsatadi hamda doimiy monitoring qilib boradi, monitoring natijalari yuzasidan har chorak yakunlari bo‘yicha Vazirlikka axborot kiritadi;

5)  davlat organlarining hududiy bo‘linmalari, xo‘jalik birlashmalari hamda mahalliy davlat hokimiyati organlari faoliyatida huquqni qo‘llash amaliyotini izchil va bir xilda ta’minlash bo‘yicha choralarni amalga oshirish sohasida:

davlat organlari va tashkilotlarining hududiy bo‘linmalari faoliyatida normativ-huquqiy hujjatlarni qo‘llash amaliyotini tahlil qiladi va o‘rganadi;

qonunchilik hujjatlari va huquqni qo‘llash faoliyati samaradorligi masalalari bo‘yicha o‘z hududida jamoatchilik fikrini o‘rganishni tashkil qiladi, natijasi bo‘yicha ularni takomillashtirish yuzasidan takliflar ishlab chiqadi;

qonun hujjatlarini qo‘llash amaliyotini umumlashtiradi va tegishli soha faoliyatida davlat siyosatining amalga oshirilishi holatini tahlil qiladi, tahlil asosida huquqni qo‘llash faoliyatini takomillashtirish bo‘yicha choralarni ishlab chiqadi;

aniqlangan qonun hujjatlari buzilishlarini, ularning sodir etilishiga imkon beruvchi sabab va shart-sharoitlarni bartaraf etish bo‘yicha choralar ko‘rish uchun huquqni qo‘llash amaliyotining umumlashtirish materiallarini davlat organlari va tashkilotlarining hududiy bo‘linmalariga yo‘llaydi;

normativ-huquqiy hujjatlarni noto‘g‘ri yoki ziddiyatli tarzda qo‘llash amaliyotini, shuningdek huquqni qo‘llash amaliyotida huquqbuzarliklarning sodir etilishiga imkon beruvchi salbiy omillar, sabablar va shart-sharoitlarni bartaraf etish bo‘yicha amaliy choralar ko‘radi;

davlat organlari va tashkilotlari hududiy bo‘linmalarining huquqni qo‘llash faoliyatini tahlil qilish natijalari bo‘yicha qonun hujjatlarini yanada takomillashtirishga oid takliflar tayyorlaydi;

mahalliy davlat hokimiyati organlarining yer munosabatlari sohasidagi qarorlari loyihalarini huquqiy ekspertizadan o‘tkazadi hamda ko‘chmas mulk ob’ektini buzib tashlash to‘g‘risidagi qarorlari loyihalarini ko‘rib chiqadi va xulosa beradi;

davlat organlari va boshqa tashkilotlarning hududiy bo‘limlari tomonidan Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali berish tartibi to‘g‘risida nizom talablariga so‘zsiz rioya etilishi bo‘yicha tizimli nazorat va monitoringni amalga oshiradi;

6) fuqarolarning huquqlari, erkinliklari va qonuniy manfaatlarini huquqiy himoya qilish bo‘yicha choralarni amalga oshirish sohasida:

davlat organlari va davlat ishtirokidagi tashkilotlarning hududiy bo‘linmalari tomonidan inson huquqlari sohasidagi qonun hujjatlariga rioya etilishi ustidan nazoratni amalga oshiradi;

davlat organlari va davlat ishtirokidagi tashkilotlarning hududiy bo‘linmalarida inson huquqlari sohasidagi qonun hujjatlariga rioya etilishi holati to‘g‘risidagi axborot va materiallarni tahlil qiladi va umumlashtiradi, ularni yaxshilash yuzasidan takliflar tayyorlaydi;

davlat organlari va davlat ishtirokidagi tashkilotlarning hududiy bo‘linmalari tomonidan fuqarolarning o‘z huquqlari va erkinliklari buzilishi to‘g‘risida qilgan murojaatlarini xolisona va har tomonlama ko‘rib chiqilishini ta’minlaydi, ularga nisbatan qonun hujjatlariga muvofiq choralar ko‘radi;

fuqarolarning davlat organlari va davlat ishtirokidagi tashkilotlarda buzilgan huquqlarini tiklash bo‘yicha choralar ko‘radi;

7)  qonunchilik hujjatlari va topshiriqlarning o‘z vaqtida, to‘liq va sifatli amalga oshirilishini ta’minlash yuzasidan sohalar, hududlar va idoralar kesimida manzilli va tematik tahliliy o‘rganishlarni olib borish va joylardagi holat monitoringini yuritish sohasida:

“Ijro.gov.uz” tizimida qonunchilik hujjatlari va topshiriqlar o‘z vaqtida ijro etilishi ustidan nazorat olib boradi;

axborot kommunikatsiya texnologiyalari, shu jumladan, ijtimoiy tarmoqlar, messenjerlar, “Ijro.gov.uz” tizimining mobil ilovasi va boshqa qayta aloqa vositalari orqali joylardagi qonunchilik hujjatlari va topshiriqlar ijrosi holatini tizimli monitoring qiladi;

fuqarolik jamiyati institutlari, ommaviy axborot vositalari va fuqarolarni jalb qilgan holda jamoatchilik monitoringi va eshituvlarini tashkil qiladi;

qonunchilik hujjatlari va topshiriqlar ijrosi holati yuzasidan manzilli va tematik o‘rganishlar o‘tkazadi va ularning natijalari bo‘yicha har chorakda Vazirlikka takliflar kiritadi;

davlat organlari va tashkilotlari hududiy bo‘linmalarining ochiqlik holatini manzilli va tematik o‘rganishlar, jamoatchilik monitoringi hamda jamoatchilik eshituvlari, shuningdek, vakolati doirasida boshqa vositalardan foydalangan holda tahlil qiladi;

davlat organlari va tashkilotlari hududiy bo‘linmalariga qonunchilik hujjatlari va topshiriqlar ijrosi yuzasidan huquqiy-uslubiy jihatdan ko‘maklashadi.

8)  davlat organlari va tashkilotlarining hududiy bo‘linmalari yuridik xizmatlari faoliyatini muvofiqlashtirish va nazorat qilish, ularning faoliyatiga uslubiy ko‘maklashish sohasida:

davlat organlari va tashkilotlari hududiy bo‘linmalarining yuridik xizmatlari faoliyatini muvofiqlashtiradi va nazoratini amalga oshiradi;

davlat organlari va tashkilotlari hududiy bo‘linmalarining yuridik xizmatlari faoliyatini, ular tomonidan amalga oshirilayotgan huquqiy ishlar holatini o‘rganadi;

davlat organlari va tashkilotlari hududiy bo‘linmalarining yuridik xizmatlari faoliyatini tartibga soluvchi qonunchilik hujjatlari talablari buzilishlarini bartaraf etish, shuningdek aybdor shaxslarni qonun hujjatlarida belgilangan javobgarlikka tortish bo‘yicha choralar ko‘radi;

davlat organlari va tashkilotlari hududiy bo‘linmalarining yuridik xizmatlari xodimlarini lavozimiga tayinlash va ozod qilishda ishtirok etadi;

davlat organlari va tashkilotlari hududiy bo‘linmalari yuridik xizmatlari xodimlarining malakasini oshirishni tashkil qiladi;

davlat organlari va tashkilotlari hududiy bo‘linmalarining yuridik xizmatlari xodimlarini attestatsiyadan o‘tkazadi va attestatsiyadan o‘tganligi to‘g‘risida guvohnoma beradi;

davlat organlari va tashkilotlari hududiy bo‘linmalarining yuridik xizmatlari xodimlarining hisobini yuritadi;

davlat organlari va tashkilotlarining hududiy bo‘linmalari yuridik xizmati xodimi lavozimiga birinchi marta tayinlangan shaxslarning Boshqarma hamda tumanlar (shaharlar) adliya bo‘limlarida stajirovka o‘tashini tashkil etadi;

davlat organlari va tashkilotlari hududiy bo‘linmalarining yuridik xizmatlari faoliyatini uslubiy jihatdan ta’minlashni amalga oshiradi;

davlat organlari va tashkilotlarining hududiy bo‘linmalari yuridik xizmatlarining ma’lumotlar bazasini shakllantiradi;

davlat organlari va tashkilotlari hududiy bo‘linmalarining yuridik xizmatlari xodimlarining ish joyini moddiy-texnik jihatdan ta’minlashga qo‘yilgan minimal talablar bajarilishini o‘rganadi, bu bo‘yicha tegishli choralarni ko‘radi;

qonunchilik hujjatlarida ko‘rsatilgan hollarda Davlat byudjetidan moliyalashtiriladigan tuman (shahar) darajasidagi davlat organlari va tashkilotlariga zamonaviy axborot texnologiyalari yordamida markazlashgan holda sifatli yuridik xizmat ko‘rsatilishini tashkil qiladi va nazorat qiladi;

qonunchilik hujjatlarida belgilangan tartibda boshqa tashkilotlarga pullik asosda yuridik xizmat ko‘rsatilishini tashkil qiladi;

davlat organlari va tashkilotlari hududiy bo‘linmalarining yuridik xizmatlariga huquqiy ishlarga oid ko‘rsatmalar beradi.

9)  notariat, advokatura hamda jismoniy va yuridik shaxslarga huquqiy xizmat ko‘rsatuvchi boshqa tuzilmalarning samarali faoliyat ko‘rsatishini ta’minlash sohasida:

notariuslar tomonidan notariat to‘g‘risidagi qonunchilik hujjatlariga rioya etilishi ustidan nazoratni amalga oshiradi, ularning ishini tahlil qiladi va umumlashtiradi hamda notarial harakatlar bo‘yicha statistikani yuritadi;

“Notarius” yagona avtomatlashtirilgan axborot tizimining o‘z hududidagi davlat organlari va tashkilotlarining tumanlar (shaharlar) tuzilmalarining ma’lumotlar bazalari va axborot tizimlari bilan integratsiyalashgan holda ishlashini nazorat qilib boradi;

notarial idoralarda ish yuritish qoidalariga, notariuslar tomonidan notarial harakatlarni amalga oshirish tartibi to‘g‘risidagi yo‘riqnomalarga, notarial harakatlarni amaga oshirishda qonun hujjatlariga, tasdiqlovchi yozuvlar va guvohnomalarni ro‘yxatga olish reestrlarini to‘g‘ri yuritishda qonun hujjatlariga rioya etilishini nazorat va tahlil qiladi, davlat notarial idorasi notariusi stajyori faoliyatini tashkil etadi;

notarial idoralarni tashkil etish va tugatish, notarius lavozimini ta’sis etish va tugatish bo‘yicha qonunchilik hujjatlarida belgilangan tartibda Vazirlikka takliflar kiritadi;

xususiy amaliyot bilan shug‘ullanuvchi notariuslar faoliyatini litsenziyalaydi;

Notarial palataning hududiy boshqarmalari bilan birgalikda xususiy amaliyot bilan shug‘ullanuvchi notariuslar tomonidan litsenziya talablari va shartlariga rioya etilishi ustidan nazoratni amalga oshiradi;

xususiy amaliyot bilan shug‘ullanuvchi notariuslarni hisobga qo‘yish va hisobdan chiqarishni amalga oshiradi;

notariuslar lavozimlari umumiy sonini tasdiqlash va muayyan hududdagi (notarial okrugidagi) notariuslar lavozimlari sonini belgilash bo‘yicha Vazirlikka takliflar kiritadi;

notariuslarning malakasini oshiradi, ularni attestatsiyadan o‘tkazish va boshqa joyga o‘tkazish (rotatsiya) bo‘yicha belgilangan tartibda Vazirlikka takliflar kiritadi;

Boshqarma huzuridagi malaka komissiyalari ishini qonun hujjatlariga muvofiq tashkil etadi;

notarial idoralarni qat’iy hisobdagi gerbli (maxsus) blanklar bilan ta’minlaydi;

notarial idoralarga beriladigan gerbli blanklarni hisobga oladi, saqlaydi, sarflanishining hisobini yuratadi va ular bo‘yicha belgilangan tartibda Vazirlikka hisobot beradi;

pullik xizmatlar va notariuslar tomonidan amalga oshiriladigan huquqiy va texnik tusdagi qo‘shimcha harakatlarni amalga oshirilganligi va xizmatlar ko‘rsatilganligi uchun, shuningdek notarial arxivlar tomonidan yuridik va jismoniy shaxslarga notarial tasdiqlangan hujjatlar dublikatlari, ro‘yxatlardan ko‘chirmalar, ma’lumotnomalar va arxiv hujjatlarining nusxalari berilganligi uchun to‘lovlarni to‘g‘ri undirilishini nazorat qiladi;

notariuslar tomonidan notarial ish yurituv qoidalarining bajarilishi yuzasidan belgilangan tartibda nazoratni amalga oshiradi, ularning ishini tahlil qiladi va umumlashtiradi;

jismoniy va yuridik shaxslarning notarial idoralar xodimlarining xatti-harakatlaridan norozi bo‘lib qilgan murojaatlarini ko‘rib chiqadi;

advokatlik tuzilmalari va O‘zbekiston Respublikasi Advokatlar palatasining hududiy boshqarmasining faoliyatini kafolatlarini ta’minlashda vakolati doirasida ko‘maklashadi;

Advokatlar palatasi hududiy boshqarmasi bilan birgalikda malaka komissiyalari faoliyatini tashkil etish;

O‘zbekiston Respublikasi Advokatlar palatasi hududiy boshqarmasi bilan birgalikda O‘zbekiston Respublikasi Advokatlar palatasi hududiy boshqarmasi huzuridagi malaka komissiyasi tarkibini tasdiqlaydi;

advokatlarga litsenziyalar berishni va advokatlik tuzilmalarini davlat ro‘yxatidan o‘tkazishni, shuningdek yuridik maslahatxonalarni hisobga qo‘yishni amalga oshiradi;

ro‘yxatidan o‘tgan (hisobga qo‘yilgan) advokatlik tuzilmalarida ishlayotgan advokatlarning tegishli davlat reestrini yuritadi;

advokatlar malakasini oshirishda ko‘maklashadi;

advokatlarga qonun hujjatlariga muvofiq guvohnoma beradi;

advokatlar tomonidan litsenziya talablari va shartlariga, shuningdek advokatlik tuzilmalari tomonidan ta’sis hujjatlariga, ustav faoliyatiga, qayta ro‘yxatdan o‘tkazish va tugatish tartibiga rioya qilinishi ustidan nazoratni amalga oshiradi;

advokatura faoliyati to‘g‘risidagi statistik ma’lumotlarni o‘rganadi;

adliya organlari va muassasalaridan hamda fuqarolik holati dalolatnomalarini qayd etish organlaridan chiqadigan rasmiy hujjatlar bo‘yicha apostil qo‘yadi;

yuridik maslahat xizmatlarini ko‘rsatuvchi tijorat tashkilotlarining reestrini yuritadi;

professional mediatorlar reestrini yuritadi;

10)  nodavlat notijorat tashkilotlarning faoliyatini rivojlantirish borasida davlat siyosatini amalga oshirish, ularning davlat organlari va tashkilotlarining hududiy bo‘linmalari bilan o‘zaro hamkorligini tashkil qilishga ko‘maklashish sohasida:

nodavlat notijorat tashkilotlari va ularning ramziy belgilarining davlat ro‘yxatidan o‘tkazilishini amalga oshiradi;

o‘zi tomonidan ro‘yxatdan o‘tkazilgan nodavlat notijorat tashkilotlarining davlat reestrini yuritadi;

nodavlat notijorat, shu jumladan diniy tashkilotlar tomonidan qonun hujjatlariga, ustav faoliyatiga, ta’sis hujjatlariga, qayta ro‘yxatdan o‘tkazish va tugatish tartibiga rioya etilishi ustidan nazoratni amalga oshiradi;

nodavlat notijorat, shu jumladan diniy tashkilotlar tomonidan qonun hujjatlari, ustav faoliyati va ta’sis hujjatlari buzilishining oldini olish va bartaraf qilishga qaratilgan choralar ko‘radi;

nodavlat notijorat, shu jumladan diniy tashkilotlar tomonidan tashkil etilayotgan tadbirlar to‘g‘risidagi kelib tushayotgan axborotlarni tahlil qiladi;

nodavlat notijorat, shu jumladan diniy tashkilotlarning chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olishini kelishadi;

nodavlat notijorat, shu jumladan diniy tashkilotlarning faoliyati haqidagi hisobotlarni qabul qiladi va tahlil qiladi;

nodavlat notijorat tashkilotlari tomonidan qonun hujjatlari buzilganda, ularning faoliyatini to‘xtatib qo‘yish yoki ularni tugatish to‘g‘risida takliflar tayyorlaydi va sudga ko‘rib chiqish uchun kiritadi;

siyosiy partiyalarning ustav faoliyatini moliyalashtirish uchun ajratilgan davlat mablag‘larini ular o‘rtasida taqsimlaydi;

nodavlat notijorat, shu jumladan diniy tashkilotlarning faoliyati ustidan monitoring olib boradi;

nodavlat notijorat, shu jumladan diniy tashkilotlarga ajratilgan mablag‘lar, grantlar, boshqa moliyaviy va moddiy resurslardan oqilona va maqsadli foydalanilishini ta’minlash bo‘yicha choralar ko‘radi;

nodavlat notijorat, shu jumladan diniy tashkilotlar faoliyatining qonuniyligini ta’minlash masalalari bo‘yicha davlat organlari va tashkilotlarining hududiy bo‘linmalari bilan o‘zaro hamkorlik qiladi;

doimiy faoliyat ko‘rsatuvchi hakamlik sudlari hisobini ro‘yxatdan o‘tkazish va muvaqqat hakamlik sudlarini hisobga olishni amalga oshiradi;

11) ma’muriy tartib-taomillar sohasida yagona davlat siyosatini amalga oshirish sohasida:

ma’muriy tartib-taomillarni amalga oshiruvchi barcha ma’muriy organlar tomonidan “Ma’muriy tartib-taomillar to‘g‘risida”gi Qonunga hamda ma’muriy munosabatlarni tartibga soluvchi boshqa qonunchilikka rioya qilinishini o‘rganadi, nazorat va tahlil qiladi;

ma’muriy tartib-taomillarni amalga oshiruvchi organlarning ma’muriy-huquqiy faoliyatni tartibga soluvchi funksiyalarini xatlovdan o‘tkazib, vazifalari qonunchilikka muvofiq amalga oshirilishini monitoring qilib boradi;

biznes jarayonlarini qayta boshqarish usullaridan foydalangan holda barcha ma’muriy tartib-taomillarni, shu jumladan davlat xizmatlarini optimallashtirish, unifikatsiyalashtirish, tartiblari, muddatlar va zarur hujjatlarini maksimal qisqartirish bo‘yicha takliflar tayyorlaydi;

ma’muriy tartib-taomillarni amalga oshirishdagi huquqiy bo‘shliqlarni bartaraf etish, shuningdek, sohada innovatsion va axborot-kommunikatsiya texnologiyalarini joriy qilish hamda idoralararo elektron hamkorlikni rivojlantirish bo‘yicha takliflar tayyorlaydi;

ma’muriy tartib-taomillar sohasida aniqlangan qonun buzilishlari, ularga imkon beruvchi sabablar va shart-sharoitlarni bartaraf etish bo‘yicha tizimli choralarni ko‘radi.

12) jismoniy va yuridik shaxslarga davlat xizmatlari ko‘rsatish sohasida yagona davlat siyosatini amalga oshirish sohasida:

davlat xizmatlari markazlari, ularning filiallari va FHDY organlari faoliyatiga umumiy rahbarlik qiladi hamda davlat xizmatlari markazlari va FHDY organlarining moddiy-texnik jihatdan ta’minlanishini tashkil etadi;

davlat xizmatlari ko‘rsatish masalalari bo‘yicha davlat boshqaruvi organlari va boshqa tashkilotlar shu jumladan, FXDYo organlari faoliyatini muvofiqlashtiradi va ularga metodik rahbarlik qiladi;

davlat xizmatlari ko‘rsatishda byurokratik to‘siq va g‘ovlarga yo‘l qo‘ymaslik maqsadida davlat organlari va boshqa tashkilotlarning hududiy bo‘limlari bilan o‘zaro yaqin hamkorlik o‘rnatadi;

davlat xizmatlari ko‘rsatishda jismoniy va yuridik shaxslarga malakali axborot va maslahat yordami beradi;

davlat xizmatlari ko‘rsatish tizimini, shuningdek FHDY organlari faoliyatini takomillashtirish masalalari bo‘yicha yuridik va jismoniy shaxslar bilan hamkorlik qiladi;

yuridik va jismoniy shaxslarning davlat xizmatlari ko‘rsatish sohasidagi murojaatlarini ko‘rib chiqishni tashkil qiladi;

davlat xizmatlari ko‘rsatish sohasidagi faoliyatni takomillashtirishning ustuvor yo‘nalishlari bo‘yicha takliflar ishlab chiqadi;

yuridik shaxslarni, shuningdek, jismoniy shaxslarni tadbirkorlik sub’ekti sifatida davlat ro‘yxatiga olishni tashkil etadi;

moliya-xo‘jalik faoliyatini amalga oshirmayotgan tashkilotlarni tugatishda qonunchilikka rioya qilinishini ta’minlaydi.

13) davlat xizmatlari ko‘rsatish sohasida qonun hujjatlariga rioya etilishi ustidan monitoring olib borish va nazorat qilish sohasida:

Davlat xizmatlari markazlari va FHDY organlari tomonidan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Hukumatning qarorlari va farmoyishlari hamda Vazirlik buyruqlari ijrosi yuzasidan muntazam nazoratni ta’minlaydi;

ko‘rsatilayotgan davlat xizmatlari sifatini yaxshilash maqsadida aholi va tadbirkorlik sub’ektlari o‘rtasida tizimli ravishda so‘rovlar olib boradi;

ma’muriy tartib-taomillarni amalga oshirish, shu jumladan davlat xizmatlarini ko‘rsatish sohasida davlat organlari va boshqa tashkilotlarning hududiy bo‘limlari faoliyatini tahlil qiladi;

davlat xizmatlari to‘g‘risidagi axborotning to‘liq ochiqligi va undan foydalanish imkoniyati ustidan nazorat qiladi;

davlat xizmatlari ko‘rsatish sohasida qonun hujjatlari buzilishiga yo‘l qo‘ymaslik haqida mansabdor shaxslarni yozma ravishda ogohlantiradi, yo‘l qo‘yilgan kamchiliklarni hamda ularga imkon beruvchi sabablar va shart-sharoitlarni bartaraf etish to‘g‘risida taqdimnomalar kiritadi, aybdor shaxslarni ma’muriy javobgarlikka tortish masalasini hal qiladi;

14) davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlar faoliyatini nazorat qilish va samaradorligini baholash sohasida:

davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlarning hududiy bo‘limlari faoliyatini monitoring, nazorat va tahlil qiladi;

davlat xizmatlari ko‘rsatuvchi davlat organlari va boshqa tashkilotlar faoliyatida qonunchilik hujjatlari va ma’muriy reglamentlar talablariga rioya etilishi nuqtai nazaridan tekshirishlarni amalga oshiradi;

davlat xizmatlari ko‘rsatish sohasidagi qonunchilik hujjatlarini buzganlik uchun davlat organlari va boshqa tashkilotlar, shu jumladan xo‘jalik birlashmalari, uy-joy kommunal va foydalanish xo‘jaligi tashkilotlari mansabdor shaxslariga nisbatan ma’muriy jazo qo‘llaydi;

davlat organlari va boshqa tashkilotlarning davlat xizmatlari ko‘rsatishga oid faoliyati, ushbu sohadagi qonun buzilishlari va ularga yo‘l qo‘ygan aybdor shaxslar, mavjud kamchiliklar va ularni bartaraf etish yuzasidan takliflarni o‘z ichiga olgan ma’lumotlarni Vazirlikka taqdim etish uchun bir yilda ikki marta batafsil axborot tayyorlaydi;

davlat xizmatlari ko‘rsatishda jismoniy va yuridik shaxslarga malakali axborot va maslahat yordami beradi.

15) intellektual mulk sohasida yagona davlat siyosatini olib borish hamda ixtirolar, tovar belgilari, mualliflik huquqi va boshqa intellektual mulk ob’ektlariga bo‘lgan huquqlarni himoya qilish sohasida:

intellektual mulk sohasini rivojlantirish bo‘yicha asosiy yo‘nalishlarni ishlab chiqishda o‘z vakolatlari doirasida ishtirok etadi;

intellektual mulk ob’ektlarining huquqiy himoya qilinishini ta’minlash bo‘yicha, shu jumladan kontrafakt mahsulotlarni ishlab chiqarish, realizatsiya qilishga qarshi kurashishda vakolatli davlat organlariga ko‘maklashish orqali ta’sirchan choralar ko‘rish bo‘yicha taklif kiritadi;

intellektual mulk sohasidagi huquqni qo‘llash amaliyotini izchil va bir xilda ta’minlash bo‘yicha chora-tadbirlarni amalga oshirishda ishtirok etadi;

davlat organlari va boshqa tashkilotlar faoliyatida intellektual mulk sohasidagi normativ-huquqiy hujjatlarga rioya qilinishi va qo‘llanilishi amaliyotini o‘rganadi va tahlil qiladi;

intellektual mulk ob’ektlariga nisbatan sodir etilgan qonun buzilishlari to‘g‘risida Vazirlikka ma’lumotlar taqdim etadi;

intellektual mulk sohasidagi normativ-huquqiy hujjatlarni noto‘g‘ri va ziddiyatli qo‘llash amaliyotini o‘rganadi, ushbu sohada huquqbuzarliklarni bartaraf etishga doir amaliy choralar ko‘radi, shuningdek, mazkur masalalardagi jismoniy va yuridik shaxslarning murojaatlarini ko‘rib chiqadi;

qonunchilikka muvofiq intellektual mulk ob’ektlarini huquqiy muhofaza qilish va ularga bo‘lgan huquqlarni himoya qilish masalalari bo‘yicha jismoniy va yuridik shaxslarning murojaatlarini ko‘rib chiqadi;

intellektual mulk ob’ektlarining huquqiy muhofazasi va himoyasi sohasida manfaatdor shaxslarga uslubiy yordam ko‘rsatadi;

16) yuridik kadrlarni tayyorlash, qayta tayyorlash va malakasini oshirishni tashkil etish, yurisprudensiya sohasidagi fundamental va amaliy tadqiqotlarni amalga oshirishni ta’minlash sohasida:

huquqiy ta’limning holatini tahlil qiladi, uni yaxshilash bo‘yicha takliflar ishlab chiqadi;

davlat organlari va tashkilotlari hududiy bo‘linmalarining yuridik kadrlarga bo‘lgan ehtiyojini aniqlaydi, ularni hududdagi yuridik texnikumlarda tayyorlash ishlarini tashkil etadi;

yuridik kadrlarni tayyorlash, qayta tayyorlash va malakasini oshirishda ishtirok etadi;

kadrlar ishini, yuristlarni tayyorlash, qayta tayyorlash va malakasini oshirish tizimini takomillashtirish bo‘yicha takliflar ishlab chiqadi;

kadrlar zaxirasini yaratadi, ularni tayyorlash, qayta tayyorlash va stajirovkadan o‘tishini tashkil etadi, Boshqarma va tumanlar (shaharlar) adliya bo‘limlariga kadrlar tanlovini amalga oshiradi va ularni joy-joyiga qo‘yadi.

Boshqarma qonun hujjatlarida belgilangan boshqa funksiyalarni ham amalga oshirishi mumkin.

10. Quyidagilar Bo‘limlarning asosiy vazifalari hisoblanadi:

hokimlarga hamda davlat organlari va tashkilotlarining tumanlar (shaharlar) tuzilmalariga qonunlar va boshqa normativ-huquqiy hujjatlarni qo‘llash masalalari bo‘yicha maslahatlar berish;

davlat organlari va tashkilotlari tuman (shahar) tuzilmalarining qonunlar va boshqa normativ-huquqiy hujjatlar ijrosini tashkil etish bo‘yicha faoliyatiga uslubiy rahbarlik qilish va muvofiqlashtirish;

qabul qilinayotgan qonunlar va boshqa normativ-huquqiy hujjatlarning mazmun-mohiyati va ahamiyatini tumanlar tuzilmalaridagi ijrochilarga yetkazish, “respublika — viloyat — tuman — mahalla” prinsipi bo‘yicha huquqiy targ‘ibot va aholining huquqiy savodsizligiga barham berish borasida, shu jumladan huquqni muhofaza qiluvchi va sud organlari bilan birgalikda chora-tadbirlarni amalga oshirish;

tumanlar (shaharlar) hokimlari va xalq deputatlari Kengashlarining normativ-huquqiy tusdagi qarorlarini qonun hujjatlariga, mamlakatimizda amalga oshirilayotgan islohotlarning maqsad va vazifalariga muvofiqligi nuqtai nazaridan huquqiy ekspertizadan o‘tkazish;

huquqni qo‘llash amaliyotini o‘rganish va tahlil qilish, uning barqarorligi va bir xilligini ta’minlash bo‘yicha takliflarni ishlab chiqish;

fuqarolarning kundalik hayotida uchraydigan huquqiy muammolarni tahlil qilib borish, aniqlangan kamchiliklarni bartaraf etish bo‘yicha ijtimoiy munosabatlarni tartibga soluvchi qonun hujjatlari takomillashtirilishini ta’minlash;

inson huquqlarini himoya qilish bo‘yicha chora-tadbirlarni amalga oshirish, o‘z vakolatlari doirasida jismoniy va yuridik shaxslarning murojaatlarini ko‘rib chiqish;

davlat organlari va tashkilotlarining tuman (shahar) tuzilmalarida huquqiy ishlarning holatini monitoring qilish, shuningdek, ularning yuridik xizmatlari faoliyatini muvofiqlashtirish, nazorat qilish va metodik ta’minlash;

jismoniy va yuridik shaxslarga davlat xizmatlari ko‘rsatish sohasida yagona davlat siyosatini amalga oshirish;

davlat xizmatlari ko‘rsatish sohasida qonun hujjatlariga rioya etilishi ustidan monitoring olib borish va nazorat qilish;

davlat xizmatlari markazlari va ularning filiallari, FHDY organlari hamda yuridik xizmat ko‘rsatish markazlari faoliyati ustidan umumiy rahbarlik va nazoratni amalga oshirish;

normativ-huquqiy hujjatlar va ular loyihalarining tartibga solish ta’sirini baholash hamda korrupsiyaga qarshi ekspertizadan o‘tkazish;

davlat xizmatlari ko‘rsatish sohasidagi faoliyatni takomillashtirish bo‘yicha takliflar ishlab chiqish.

11. Bo‘limlar o‘ziga yuklangan vazifalarga muvofiq quyidagi funksiyalarni amalga oshiradi:

1) hokimlarga hamda davlat organlari va tashkilotlarining tumanlar (shaharlar) tuzilmalariga qonunlar va boshqa normativ-huquqiy hujjatlarni qo‘llash masalalari bo‘yicha maslahatlar berish sohasida:

qonunlar va boshqa normativ-huquqiy hujjatlarning ijrosini tashkillashtirish masalalari bo‘yicha hokimlarga hamda davlat organlari va tashkilotlarining tumanlar (shaharlar) tuzilmalariga tushuntirishlar beradi va zarur ko‘makni amalga oshiradi;

davlat organlari va tashkilotlarining tumanlar (shaharlar) tuzilmalarini zarur normativ-huquqiy hujjatlar bilan ta’minlash choralarini ko‘radi;

davlat organlari va tashkilotlarining tumanlar (shaharlar) tuzilmalari faoliyati sohasidagi qonun hujjatlarini qo‘llash bo‘yicha tushuntirishlar beradi;

davlat organlari va tashkilotlarining tumanlar (shaharlar) tuzilmalariga normativ-huquqiy hujjatlar va tegishli axborot-tahliliy materiallarning o‘z vaqtida yetkazilishini ta’minlaydi;

2) davlat organlari va tashkilotlari tuman (shahar) tuzilmalarining qonunlar va boshqa normativ-huquqiy hujjatlar ijrosini tashkil etish bo‘yicha faoliyatiga uslubiy rahbarlik qilish va muvofiqlashtirish sohasida:

davlat organlari va tashkilotlarining tumanlar (shaharlar) tuzilmalarini qonunlar va boshqa normativ-huquqiy hujjatlarning ijrosini tashkillashtirilishi masalalari bo‘yicha uslubiy ko‘rsatmalar bilan ta’minlaydi;

davlat organlari va tashkilotlarining tumanlar (shaharlar) tuzilmalari tomonidan qonunlar va boshqa normativ-huquqiy hujjatlarning ijrosi tashkillashtirilishining monitoringi va tahlilini olib boradi, ushbu sohadagi muammolarni bartaraf qilish bo‘yicha takliflarni ishlab chiqadi;

davlat organlari va tashkilotlari tumanlar (shaharlar) tuzilmalarining qonunlar va boshqa normativ-huquqiy hujjatlarning ijrosini ta’minlash bo‘yicha faoliyatini muvofiqlashtiradi;

davlat organlari va tashkilotlarining tumanlar (shaharlar) tuzilmalarida normativ-huquqiy hujjatlarning ijrosini tashkillashtirish bo‘yicha ijro intizomiga rioya etilishini o‘rganadi, shu asosda hududiy adliya organlariga kiritish uchun axborot-tahlil hujjatlarni tayyorlaydi;

3) qabul qilinayotgan qonunlar va boshqa normativ-huquqiy hujjatlarning mazmun-mohiyati va ahamiyatini tumanlar tuzilmalaridagi ijrochilarga yetkazish, “respublika — viloyat — tuman — mahalla” prinsipi bo‘yicha huquqiy targ‘ibot va aholining huquqiy savodsizligiga barham berish borasida, shu jumladan huquqni muhofaza qiluvchi va sud organlari bilan birgalikda chora-tadbirlarni amalga oshirish sohasida:

davlat organlari va tashkilotlarining tumanlar (shaharlar) tuzilmalarida huquqiy targ‘ibot holatini tahlil qiladi, mazkur sohadagi ishlarni takomillashtirish bo‘yicha takliflar ishlab chiqadi;

boshqa huquqni muhofaza qiluvchi va sud organlari bilan birgalikda “respublika – viloyat – tuman – mahalla” prinsipi bo‘yicha huquqiy targ‘ibot va aholining huquqiy savodsizligiga barham berishga, jamiyatda inson huquq va erkinliklariga hurmat munosabatini shakllantirishga qaratilgan aholining huquqiy ongi va huquqiy madaniyati darajasini yuksaltirish bo‘yicha chora-tadbirlarni amalga oshiradi;

eng dolzarb, aholini qiziqtiradigan masalalarni belgilaydi va ular bo‘yicha manzilli va predmetli huquqiy targ‘ibotni amalga oshiradi, aholiga qonun hujjatlari mazmun-mohiyati va ahamiyatini yetkazish bo‘yicha choralar ko‘radi;

huquqiy targ‘ibotning innovatsion usullaridan keng foydalanishni, shu jumladan veb-texnologiyalarni qo‘llashni kengaytirishni ta’minlaydi;

huquqni muhofaza qiluvchi va sud organlari bilan birgalikda normativ-huquqiy hujjatlar ijrosi va targ‘ibotini ta’minlash bo‘yicha “yo‘l xaritasi”ni tasdiqlaydi va ijrosini ta’minlashda ishtirok etadi;

qonun hujjatlarining mazmuni, mohiyati va ahamiyatini tushuntirib beruvchi materiallarni tayyorlaydi, ularni aholi o‘rtasida, shu jumladan ommaviy axborot vositalari va Internet tarmog‘i orqali tarqatadi;

davlat organlari va tashkilotlarining tumanlar (shaharlar) tuzilmalari, nodavlat notijorat tashkilotlari va ommaviy axborot vositalarini jalb qilgan holda jamiyatda huquqiy bilimlarni targ‘ib qilishni tashkil etadi;

jamiyatda huquqiy madaniyatni yuksaltirish bo‘yicha chora-tadbirlar Dasturlarida belgilangan tadbirlarning hududda amalga oshirilishiga amaliy yordam ko‘rsatadi hamda doimiy monitoring qilib boradi, monitoring natijalari yuzasidan har chorak yakunlari bo‘yicha Boshqarmaga axborot kiritadi.

4) tumanlar (shaharlar) hokimlari va xalq deputatlari Kengashlarining normativ-huquqiy tusdagi qarorlarini qonun hujjatlariga, mamlakatimizda amalga oshirilayotgan islohotlarning maqsad va vazifalariga muvofiqligi nuqtai nazaridan huquqiy ekspertizadan o‘tkazish sohasida:

tumanlar (shaharlar) hokimlari va xalq deputatlari Kengashlarining norma ijodkorligi faoliyatining monitoringi va tahlilini amalga oshiradi;

tumanlar (shaharlar) hokimlari va xalq deputatlari Kengashlari qarorlarini tayyorlash va qabul qilish zaruriyati masalalari bo‘yicha oldindan kelishuvni amalga oshiradi;

tumanlar (shaharlar) hokimlari va xalq deputatlari Kengashlarining normativ tusdagi qarorlari loyihalarining qonunchilikka, xalqaro shartnomalar normalariga, mamlakatda amalga oshirilayotgan islohotlarning maqsad va vazifalariga, qonunchilik texnikasi qoidalariga muvofiqligini, ularni korrupsiyaga, boshqa huquqbuzarliklarni sodir etishga shart-sharoit yaratuvchi, shuningdek jismoniy va yuridik shaxslar uchun ortiqcha ma’muriy va boshqa cheklovlarni joriy etuvchi qoidalar va normalarni aniqlash nuqtai nazaridan huquqiy ekspertizadan o‘tkazadi;

tumanlar (shaharlar) hokimlari va xalq deputatlari Kengashlari tomonidan qabul qilinadigan normativ-huquqiy hujjatlarni qabul qilish, e’lon qilish va manfaatdor shaxslar e’tiboriga yetkazishning belgilangan tartibiga rioya qilinishi ustidan nazoratni amalga oshiradi;

Bo‘lim tomonidan huquqiy ekspertizadan o‘tkazilmasdan qabul qilingan tumanlar (shaharlar) hokimlari va xalq deputatlari Kengashlarining qarorlarini bekor qilish choralarini ko‘radi;

tumanlar (shaharlar) hokimlari va xalq deputatlari Kengashlari tomonidan qabul qilingan normativ-huquqiy hujjatlarning davlat hisobini yuritish uchun Boshqarmaga taqdim etilishini nazorat qiladi;

har chorakda tegishlicha tuman (shahar) xalq deputatlari Kengashlariga tuman (shahar) darajasidagi davlat organlari va tashkilotlarining norma ijodkorligi hamda huquqni qo‘llash amaliyoti holati bo‘yicha axborot beradi;

5) huquqni qo‘llash amaliyotini o‘rganish va tahlil qilish, uning barqarorligi va bir xilligini ta’minlash bo‘yicha takliflarni ishlab chiqish sohasida:

davlat organlari va tashkilotlarining tumanlar (shaharlar) tuzilmalari faoliyatida normativ-huquqiy hujjatlarni qo‘llash amaliyotini tahlil qiladi va o‘rganadi;

qonun hujjatlari va huquqni qo‘llash faoliyati samaradorligi masalalari bo‘yicha jamoatchilik fikrini o‘rganadi, natijasi bo‘yicha ularni takomillashtirish yuzasidan takliflar ishlab chiqadi;

aniqlangan qonun hujjatlari buzilishlarini, ularning sodir etilishiga imkon beruvchi sabab va shart-sharoitlarni bartaraf etish bo‘yicha choralar ko‘rish uchun huquqni qo‘llash amaliyotining umumlashtirish materiallarini davlat organlari va tashkilotlarining tumanlar (shaharlar) tuzilmalariga yo‘llaydi;

normativ-huquqiy hujjatlarni noto‘g‘ri yoki ziddiyatli tarzda qo‘llash amaliyotini, shuningdek huquqni qo‘llash amaliyotida huquqbuzarliklarning sodir etilishiga imkon beruvchi salbiy omillar, sabablar va shart-sharoitlarni bartaraf etish bo‘yicha amaliy choralar ko‘radi;

davlat organlari va tashkilotlarining tumanlar (shaharlar) tuzilmalarining huquqni qo‘llash faoliyatini tahlil qilish natijalari bo‘yicha qonun hujjatlarini yanada takomillashtirishga oid takliflar tayyorlaydi;

hududiy adliya organlarining tegishli bo‘limlari bilan kelishilgan holda normativ-huquqiy hujjatlarni qo‘llash masalalari yuzasidan o‘z xulosasini shakllantiradi va yetkazadi;

qonun hujjatlarini qo‘llash amaliyotini umumlashtiradi va tegishli soha faoliyatida davlat siyosatining amalga oshirilishi holatini tahlil qiladi, uning asosida huquqni qo‘llash faoliyatini takomillashtirish bo‘yicha choralarni ishlab chiqadi;

6) fuqarolarning kundalik hayotida uchraydigan huquqiy muammolarni tahlil qilib borish, aniqlangan kamchiliklarni bartaraf etish bo‘yicha ijtimoiy munosabatlarni tartibga soluvchi qonun hujjatlari takomillashtirilishini ta’minlash sohasida:

fuqarolarning kundalik hayotida uchraydigan huquqiy muammolarini tahlil qiladi;

ushbu sohada aniqlangan kamchiliklarni bartaraf etish bo‘yicha ijtimoiy munosabatlarni tartibga soluvchi qonun hujjatlari takomillashtirish bo‘yicha takliflar tayyorlaydi;

7) inson huquqlarini himoya qilish bo‘yicha chora-tadbirlarni amalga oshirish, o‘z vakolatlari doirasida jismoniy va yuridik shaxslarning murojaatlarini ko‘rib chiqish sohasida:

davlat organlari va tashkilotlarining tuman (shahar) tuzilmalari tomonidan inson huquqlari sohasidagi qonun hujjatlariga rioya etilishi ustidan nazoratni amalga oshiradi;

davlat organlari va tashkilotlarining tuman (shahar) tuzilmalarida inson huquqlari sohasidagi qonun hujjatlariga rioya etilishi holati to‘g‘risidagi axborot va materiallarni tahlil qiladi va umumlashtiradi, ularni yaxshilash yuzasidan takliflar tayyorlaydi;

davlat organlari va tashkilotlarining tuman (shahar) tuzilmalarilari tomonidan fuqarolarning o‘z huquqlari va erkinliklari buzilishi to‘g‘risida qilgan murojaatlarini xolisona va har tomonlama ko‘rib chiqilishini ta’minlaydi, ularga nisbatan qonun hujjatlariga muvofiq choralar ko‘radi;

fuqarolarning buzilgan huquqlarini tiklash bo‘yicha choralar ko‘radi;

8) davlat organlari va tashkilotlarining tuman (shahar) tuzilmalarida huquqiy ishlarning holatini monitoring qilish, shuningdek, ularning yuridik xizmatlari faoliyatini muvofiqlashtirish, nazorat qilish va metodik ta’minlash sohasida:

davlat organlari va tashkilotlarining tuman (shahar) tuzilmalarining yuridik xizmatlari faoliyatini muvofiqlashtiradi va nazoratini olib boradi;

davlat organlari va tashkilotlarining tuman (shahar) tuzilmalarining yuridik xizmatlari faoliyatini, ular tomonidan amalga oshirilayotgan huquqiy ishlar holatini o‘rganadi;

davlat organlari va tashkilotlarining tuman (shahar) tuzilmalarining yuridik xizmatlari faoliyatini tartibga soluvchi aniqlangan qonun hujjatlari talablari buzilishlarini bartaraf etish, shuningdek aybdor shaxslarni qonun hujjatlarida belgilangan javobgarlikka tortish bo‘yicha choralar ko‘radi;

davlat organlari va tashkilotlarining tuman (shahar) tuzilmalarining yuridik xizmatlariga huquqiy ishlarga oid ko‘rsatmalar beradi;

davlat organlari va tashkilotlarining tuman (shahar) tuzilmalari yuridik xizmatlari xodimlarining hisobini yuritadi;

davlat organlari va tashkilotlarining tuman (shahar) tuzilmalarining yuridik xizmat xodimlarining qonun hujjatlarida belgilangan muddatlarda malaka oshirishi hamda Boshqarma tomonidan attestatsiyadan o‘tishini nazorat qiladi;

davlat organlari va tashkilotlarining tuman (shahar) tuzilmalarida vakant yuridik xizmat shtat birligini malakali oliy yuridik ma’lumotga ega kadrlar bilan to‘ldirishda Boshqarmaga bevosita amaliy yordam ko‘rsatadi;

davlat organlari va tashkilotlari yuridik xizmatlari xodimlarining ish joyini moddiy-texnik jihatdan ta’minlashga qo‘yilgan minimal talablar ijrosini o‘rganadi va bu haqda davlat organlari va tashkilotlarining tuman (shahar) tuzilmalari rahbarlariga taklif kiritadi;

davlat organlari va tashkilotlari yuridik xizmatlarning ma’lumotlar bazasiga kiritish uchun davlat organlari va tashkilotlarining tuman (shahar) tuzilmalari yuridik xizmatlari xodimlari haqida ma’lumotlar taqdim etilishini ta’minlaydi;

davlat organlari va tashkilotlarining tumanlar (shaharlar) tuzilmalarining yuridik xizmatlari faoliyatini uslubiy jihatdan ta’minlashni amalga oshiradi;

qonunchilik hujjatlarida ko‘rsatilgan hollarda Davlat byudjetidan moliyalashtiriladigan tuman (shahar) darajasidagi davlat organlari va tashkilotlariga zamonaviy axborot texnologiyalari yordamida markazlashgan holda sifatli yuridik xizmat ko‘rsatilishini tashkil qiladi va nazorat qiladi;

qonunchilik hujjatlarida belgilangan tartibda boshqa tashkilotlarga pullik asosda yuridik xizmat ko‘rsatilishini tashkil qiladi;

9) jismoniy va yuridik shaxslarga davlat xizmatlari ko‘rsatish sohasida yagona davlat siyosatini amalga oshirish sohasida:

tadbirkorlik sub’ektlarini, shuningdek qonun hujjatlarida nazarda tutilgan hollarda boshqa yuridik shaxslarni davlat ro‘yxatidan va qayta ro‘yxatdan o‘tkazadi;

moliya-xo‘jalik faoliyatini amalga oshirmayotgan va o‘z ustav fondlarini qonun hujjatlarida belgilangan muddatlarda shakllantirmagan korxonalarni tugatish bo‘yicha belgilangan tartibda chora-tadbirlar ko‘radi;

davlat xizmatlari ko‘rsatish masalalari bo‘yicha davlat boshqaruvi organlari va boshqa tashkilotlar tuman (shahar) bo‘limlarining faoliyatini muvofiqlashtiradi va ularga metodik rahbarlik qiladi;

murojaatchilarga faqat Markazlar orqali ko‘rsatiladigan davlat xizmatlari ko‘rsatish to‘g‘risidagi arizalarni (anketa, so‘rovnoma) (keyingi o‘rinlarda arizalar deb yuritiladi) to‘ldiradi va tegishli tartibda vakolatli organlarga ular bo‘yicha qaror qabul qilish va ularni tegishli ravishda rasmiylashtirish uchun o‘z vaqtida yuborilishini ta’minlaydi;

kompleks tadbirkorlik litsenziyasi (franshizing) shartnomalarini davlat ro‘yxatidan o‘tkazadi;

kompleks tadbirkorlik litsenziyasi (franshizing) shartnomalarini davlat ro‘yxatidan o‘tkazish reestrini (muhim o‘zgartirishlar, qo‘shimchalar, bekor qilish) elektron tarzda yuritadi.

idoralararo axborot almashuvi infratuzilmasidan foydalangan holda davlat organlari va boshqa tashkilotlar tuman bo‘limlari o‘rtasida elektron hujjat aylanishi tartibini joriy qiladi va takomillashtiradi;

davlat organlari, boshqa tashkilotlar va O‘zbekiston Respublikasi Yagona interaktiv davlat xizmatlari portali o‘rtasida axborot almashish faoliyatini tashkil etishga ko‘maklashadi va muvofiqlashtiradi;

murojaatchilarni davlat xizmatlaridan foydalanish uchun elektron raqamli imzoning (keyingi o‘rinlarda ERI deb yuritiladi) majburiy tartibda bo‘lishi shart ekanligi to‘g‘risida oldindan xabardor qilish va ERIni joyning o‘zida olishlari uchun barcha zarur sharoitlarni ta’minlash.

davlat xizmatlari ko‘rsatishda jismoniy va yuridik shaxslarga malakali axborot va maslahat yordami beradi;

ko‘rsatilayotgan davlat xizmatlari sifatini yaxshilash maqsadida aholi va tadbirkorlik sub’ektlari o‘rtasida tizimli ravishda so‘rovnomalar o‘tkazadi;

10) davlat xizmatlari ko‘rsatish sohasida qonun hujjatlariga rioya etilishi ustidan monitoring olib borish va nazorat qilish sohasida:

davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlar faoliyatini monitoring, nazorat va tahlil qiladi;

davlat xizmatlari ko‘rsatuvchi davlat organlari va boshqa tashkilotlar faoliyatida qonunchilik hujjatlari va ma’muriy reglamentlar talablariga rioya etilishi nuqtai nazaridan tekshirishlarni amalga oshiradi;

davlat xizmatlari ko‘rsatish sohasidagi qonunchilik hujjatlarini buzganlik uchun davlat organlari va boshqa tashkilotlar, shu jumladan xo‘jalik birlashmalari, uy-joy kommunal va foydalanish xo‘jaligi tashkilotlari mansabdor shaxslariga nisbatan ma’muriy jazo qo‘llash bo‘yicha taklif kiritadi;

davlat xizmatlari ko‘rsatish sohasida qonun hujjatlari buzilishiga yo‘l qo‘ymaslik haqida mansabdor shaxslarni yozma ravishda ogohlantiradi, taqdimnomalar kiritadi;

davlat organlari va boshqa tashkilotlarning davlat xizmatlari ko‘rsatishga oid faoliyati, ushbu sohadagi qonun buzilishlari va ularga yo‘l qo‘ygan aybdor shaxslar, mavjud kamchiliklar va ularni bartaraf etish yuzasidan takliflarni Boshqarmaga taqdim etish uchun bir yilda ikki marta batafsil axborot tayyorlaydi.

11) davlat xizmatlari markazlari va ularning filiallari, FHDY organlari hamda yuridik xizmat ko‘rsatish markazlari faoliyati ustidan umumiy rahbarlik va nazoratni amalga oshirish sohasida:

davlat xizmatlari markazlari va ularning filiallari, FHDY organlari hamda yuridik xizmat ko‘rsatish markazlari xodimlari tomonidan mehnat va ijro intizomiga rioya etilishini monitoring qiladi;

davlat xizmatlari markazlari va ularning filiallari, FHDY organlari hamda yuridik xizmat ko‘rsatish markazlari xodimlari tomonidan O‘zbekiston Respublikasi Adliya vazirligi xodimlarining Odob-axloq qoidalari talablariga rioya qilinishini monitoring qiladi;

davlat xizmatlari markazlari va ularning filiallari tomonidan sayyor tartibda davlat xizmatlari ko‘rsatishni amalga oshirilishini tashkil etadi;

sohaga oid qabul qilingan normativ-huquqiy hujjatlarni hamda ularning mazmun va mohiyatini davlat xizmatlari markazlari va ularning filiallari, FHDY organlari hamda yuridik xizmat ko‘rsatish markazlari xodimlariga yetkazadi;

davlat xizmatlari markazlari va ularning filiallari, FHDY organlari hamda yuridik xizmat ko‘rsatish markazlari faoliyatini takomillashtirish yuzasidan tahliliy ma’lumotlar va takliflar tayyorlaydi hamda Boshqarmaga kiritadi;

davlat xizmatlari ko‘rsatishda byurokratik to‘siq va g‘ovlarga yo‘l qo‘ymaslik maqsadida davlat organlari va boshqa tashkilotlarning hududiy bo‘limlari bilan o‘zaro yaqin hamkorlik o‘rnatadi;

davlat xizmatlari markazlari va ularning filiallari, FHDY organlari hamda yuridik xizmat ko‘rsatish markazlari xodimlarini intizomiy javobgarlikka tortish yoki rag‘batlantirish masalasida Boshqarmaga takliflar kiritadi;

12) normativ-huquqiy hujjatlar va ular loyihalarining tartibga solish ta’sirini baholash hamda korrupsiyaga qarshi ekspertizadan o‘tkazish sohasida:

normativ-huquqiy hujjatlar va ular loyihalarining tartibga solish ta’sirini baholashda hamda ularni korrupsiyaga qarshi ekspertizadan o‘tkazadi;

davlat organlari va tashkilotlari yuridik xizmat xodimlarining normativ-huquqiy hujjatlar va ularning loyihalarini korrupsiyaga qarshi ekspertizadan o‘tkazish faoliyatini baholashda ishtirok etadi;

normativ-huquqiy hujjatlar va ular loyihalarini tartibga solish ta’sirini baholash hamda korrupsiyaga qarshi ekspertizadan o‘tkazish sohasidagi qoidabuzarliklarni bartaraf etish bo‘yicha ta’sir choralarini ko‘radi;

Bo‘lim qonun hujjatlarida belgilangan boshqa funksiyalarni ham amalga oshirishi mumkin.

III. Boshqarma va Bo‘limning huquqlari va javobgarligi

10. Boshqarma o‘ziga yuklatilgan vazifalar va funksiyalarni amalga oshirish uchun quyidagi huquqlarga ega:

1) nodavlat notijorat tashkilotlari tomonidan qonun hujjatlari va ta’sis hujjatlariga rioya qilinishi, shuningdek ularga ajratilgan mablag‘lardan maqsadli foydalanishini tekshirish;

2) mahalliy davlat hokimiyati organlari, davlat idoralari va tashkilotlarining hududiy bo‘linmalari, huquqni muhofaza qiluvchi va nazorat organlariga bajarilishi majburiy bo‘lgan:

qonunlar, O‘zbekiston Respublikasi Prezidentining farmon, qaror, farmoyish va topshiriqlari ijrosini ta’minlash hamda “Ijro.gov.uz” tizimiga zarur ma’lumotlarni o‘z vaqtida va to‘g‘ri kiritish to‘g‘risida taqdimnomalarni kiritish;

3) nodavlat notijorat tashkilotlar faoliyatida aniqlangan qonun hujjatlari va ta’sis hujjatlari buzilishlarini bartaraf etish to‘g‘risida nodavlat notijorat, shu jumladan diniy tashkilotlariga, advokatlik tuzilmalariga bajarilishi majburiy bo‘lgan taqdimnomalar kiritish;

4) nodavlat notijorat, shu jumladan diniy tashkilotlardan axborot, hujjatlar va ma’lumotlar, shuningdek ularning rahbarlari va mas’ul shaxslaridan tushuntirishlarni talab qilish va olish;

5) tekshirish va tahlil davomida aniqlangan holatlarga aniqlik kiritish maqsadida davlat organlari va tashkilotlari hududiy bo‘linmalarining mansabdor shaxslari hamda xodimlarini, shuningdek intellektual mulk masalalari bo‘yicha jismoniy shaxslarni chaqirish, qonunchilik hujjatlarining buzilishi holatlari yuzasidan og‘zaki va yozma tushuntirishlar talab qilish;

6) davlatga tegishli Boshqarmaning va uning tizimidagi idoralarning mol-mulkini o‘zining tashkiliy tuzilmasi doirasida bepul foydalanish huquqi bilan bir tarkibiy tuzilmadan boshqa tuzilmaga belgilangan tartibda o‘tkazish;

7) Boshqarma va uning tizimidagi idoralar xodimlari tomonidan o‘z sohasida ular faoliyatining asosiy ko‘rsatkichlari bo‘yicha parametrlar bajarilishini hisobga olgan holda ularni moddiy rag‘batlantirish tartibi, miqdorlari va shartlarini belgilash;

8) byudjetdan tashqari mablag‘larni hamda Boshqarmaning depozit hisob raqamlarida joylashgan mablag‘larni O‘zbekiston Respublikasi tijorat banklarining depozit raqamlarida milliy va xorijiy valyutada joylashtirish. Bunda, mablag‘larni joylashtirishdan olingan daromad adliya organlari va muassasalarining byudjetdan tashqari hisob raqamalariga moddiy-texnik bazani, ijtimoiy rivojlantishga va xodimlarini moddiy rag‘batlantirish hamda qonun hujjatlarida nazarda tutilgan boshqa maqsadlarga yo‘naltirgan holda o‘tkaziladi;

9) Boshqarma vakolatiga kiruvchi masalalarni ko‘rib chiqishda davlat organlari va tashkilotlarining hududiy bo‘linmalari hay’at majlislarida ishtirok etish;

10) O‘zbekiston Respublikasi Advokatlar palatasi hududiy boshqarmasi huzuridagi malaka komissiyasiga advokatlarni intizomiy javobgarlikka tortish masalasini kiritish;

11) advokatlar va xususiy amaliyot bilan shug‘ullanuvchi notariuslarga berilgan litsenziyalarning amal qilishini to‘xtatib turish va tugatish;

12) yuridik xizmat xodimining attestatsiyadan o‘tganligi to‘g‘risidagi guvohnomaning amal qilishini tugatish to‘g‘risida Vazirlikka taklif kiritish;

13) nodavlat notijorat tashkilotlari tomonidan o‘tkaziladigan tadbirlarda (konferensiyalar, seminarlar, treninglar, yig‘ilishlar, aksiyalar va shu kabilarda) ishtirok etish;

14) nodavlat notijorat, shu jumladan diniy tashkilotlar tomonidan rejalashtirilgan tadbirlarni o‘tkazilishini taqiqlash yuzasidan qaror qabul qilish;

15) siyosiy partiyalarning ustavlarida nazarda tutilgan faoliyatini davlat tomonidan moliyalashtirishni to‘xtatib turish yoki tugatish to‘g‘risida taklif kiritish;

16) normativ-huquqiy hujjatlarni qo‘llash masalalari yuzasidan o‘z xulosasini berish;

17) davlat organlari va tashkilotlarining hududiy bo‘limlariga normativ-huquqiy hujjatlarni qo‘llash masalalari yuzasidan tavsiyalar va tushuntirishlar berish hamda ko‘rsatmalar kiritish;

18) davlat xizmatlari markazlari orqali ularning binolari va tutash hududlarida reklama faoliyatini, shuningdek, yuridik shaxs maqomiga ega bo‘lmagan holda tadbirkorlik sub’ektlarining muhr va shtamplarini tayyorlash faoliyatini amalga oshirish;

19) intellektual mulk sohasidagi qonunchilikni buzganlik uchun yuridik shaxslarga jarima qo‘llash bo‘yicha taklif kiritish;

11. Boshqarma va Bo‘lim o‘ziga yuklatilgan vazifalar va funksiyalarni amalga oshirish uchun quyidagi huquqlarga ega:

1) davlat organlari va tashkilotlarining hududiy bo‘linmalari ko‘rib chiqishi uchun qonun hujjatlarini va huquqni qo‘llash amaliyotini takomillashtirish masalalari bo‘yicha takliflar kiritish;

2) davlat organlari va tashkilotlarining hududiy bo‘linmalarida:

norma ijodkorligi faoliyati, huquqiy ishlar, yuridik xizmatlar faoliyati, normativ-huquqiy hujjatlarni e’lon qilish va manfaatdor shaxslar e’tiboriga yetkazish holatini;

huquqni qo‘llash amaliyoti, fuqarolar huquqlarini ta’minlash bo‘yicha qonun hujjatlari ijrosini, shu jumladan joylarga chiqan holda tekshirish;

3) mahalliy davlat hokimiyati organlari, davlat idoralari va tashkilotlarining hududiy bo‘linmalari, huquqni muhofaza qiluvchi va nazorat organlariga bajarilishi majburiy bo‘lgan:

qonun hujjatlariga muvofiq bo‘lmagan mahalliy davlat hokimiyati organlarining normativ-huquqiy hujjatlarni bekor qilish, to‘xtatib turish (to‘liq yoki qisman) yoxud ularni qonun hujjatlariga muvofiqlashtirish to‘g‘risida;

ishlab chiqish muddatini ko‘rsatgan holda mahalliy davlat hokimiyati organlarining normativ-huquqiy hujjatlarni qabul qilish, ular tomonidan qabul qilingan normativ-huquqiy hujjatlarga rasmiy sharh berish zarurligi to‘g‘risida;

huquqni qo‘llash amaliyoti, fuqarolarning huquqlariga rioya qilish bo‘yicha qonun hujjatlarini bajarish xolatini tekshirish davomida aniqlangan qonunchilik hujjatlari talablari buzilishi, ularga imkon beruvchi sabablar va shart-sharoitlarni bartaraf etish, shu jumladan aybdor shaxslarni intizomiy javobgarlikka tortish haqida;

adliya organlarining qonuniy talablarini bajarmaganligi to‘g‘risida;

davlat organlari va tashkilotlari hududiy bo‘linmalarining yuridik xizmati faoliyatida aniqlangan huquqbuzarliklarga yo‘l qo‘ymaslik, ularning sodir etilishiga ko‘maklashuvchi sabablar va shart-sharoitlarni bartaraf etish to‘g‘risida taqdimnomalarni kiritish;

4) qonun hujjatlari buzilishiga yo‘l qo‘ymaslik haqida mansabdor shaxslarini yozma ravishda ogohlantirish;

5) fuqarolarning qonuniy huquq va erikinliklari, yuridik xizmatlarni faoliyati sohasidagi qonun hujjatlari buzilishi holatlari aniqlaganda hamda Boshqarma va tumanlar (shaharlar) adliya bo‘limlarining qonuniy talablari bajarilmaganda, aybdor mansabdor shaxslarni javobgarlikka tortish to‘g‘risida tegishli davlat organlari va boshqa tashkilotlarga takliflar kiritish;

6) davlat, yuridik va jismoniy shaxslar, shuningdek, adliya organlari va muassasalari manfaatlarini ko‘zlab sudlarga davlat boji to‘lamasdan arizalar va da’volarni kiritish;

7) boshqarma va bo‘limga yuklangan vazifalar va funksiyalarni bajarish uchun zarur bo‘lgan hujjatlar va axborotlarni, shu jumladan normativ-huquqiy hujjatlarni qo‘llash amaliyoti to‘g‘risida zarur statistik ma’lumotlarni, tahliliy materiallarni, hujjatlarni, boshqa axborotlarni, qarorlar va boshqa hujjatlarni, ma’lumotlarni davlat organlari va boshqa tashkilotlardan bepul tarzda so‘rash va olish;

8) tekshirish o‘tkazish, jismoniy va yuridik shaxslarning murojaatlarini o‘rganish, shuningdek Boshqarma vakolatiga kiruvchi masalalar bo‘yicha axborot-tahliliy materiallarni tayyorlash uchun davlat organlari va tashkilotlarining hududiy bo‘linmalari, idoralar, ilmiy va ta’lim muassasalari hamda boshqa tashkilotlar vakillarini chaqirish va jalb etish;

9) tekshirish va tahlil davomida aniqlangan holatlarga aniqlik kiritish maqsadida davlat organlari va tashkilotlari hududiy bo‘linmalarining mansabdor shaxslari hamda xodimlarini chaqirish, qonunchilik hujjatlarining buzilishi holatlari yuzasidan og‘zaki va yozma tushuntirishlar talab qilish;

10) jismoniy va yuridik shaxslarning o‘z huquqlari, erkinliklari va qonuniy manfaatlari buzilganligi to‘g‘risida murojaatlarni ko‘rib chiqish;

11) davlat siri va qonun bilan qo‘riqlanadigan boshqa sirga rioya qilish sharti bilan tekshirishni o‘tkazish uchun zarur bo‘lgan hujjatlar va materiallar bilan tanishish, davlat organlari va tashkilotlari hududiy bo‘limanlarining elektron bazalaridan (banklaridan) foydalanish uchun xizmat guvohnomasini ko‘rsatgan holda davlat organlari va boshqa tashkilotlarning hududiy bo‘linmalari hududlari va binolariga kirish;

12) o‘z vakolati doirasida ma’muriy javobgarlikni keltirib chiqaradigan xolatlar yuzasidan ma’muriy huquqbuzarliklar to‘g‘risida bayonnomalar tuzish yoki vakolatli tashkilotlarga ma’muriy ish qo‘zg‘atish to‘g‘risida taklif kiritish;

13) aniqlangan normativ-huquqiy hujjatlar talablari buzilishlarini, ularning sodir etilishiga imkon beruvchi sabab va shart-sharoitlarni bartaraf etish bo‘yicha choralar ko‘rish uchun umumlashtirish materiallarini davlat organlari va tashkilotlarining hududiy bo‘limlariga yuborish;

14) o‘z vazifa va funksiyalari doirasida davlat organlari va boshqa tashkilotlar bilan hamkorlik qilish;

15) tegishli ma’lumotlar bazalaridan, davlat axborot tizimlaridan va vakolatli organlar resurslaridan belgilangan tartibda foydalanish;

16) O‘zbekiston Respublikasi Moliya vazirligi bilan kelishgan pullik xizmatlar ro‘yxati va tariflariga muvofiq pulli xizmatlar ko‘rsatish;

17) davlat organlari va davlat ishtirokidagi tashkilotlardagi mehnat nizosini ko‘rish haqidagi ariza bilan sudga murojaat qilish;

18) xo‘jalik birlashmalariga, uy-joy kommunal va foydalanish xo‘jaligi tashkilotlariga davlat xizmatlari ko‘rsatish sohasida aniqlangan qonunbuzilishlari va kamchiliklarni, ularning yo‘l qo‘yilishiga olib kelgan sabablar va sharoitlarni bartaraf etish bo‘yicha taqdimnomalar kiritish.

Boshqarma va Bo‘lim qonun hujjatlariga muvofiq boshqa huquqlarga ham ega bo‘lishi mumkin.

12. Boshqarma va Bo‘lim:

o‘ziga yuklatilgan vazifalar va funksiyalarning samarali bajarilishi, shuningdek, tegishli sohadagi davlat siyosatining samarali amalga oshirilishi;

o‘z faoliyati bilan bog‘liq prognoz ko‘rsatkichlarga so‘zsiz erishilishini ta’minlash;

yuqori idoralarga kiritilayotgan hujjatlar loyihalari va takliflar, shuningdek, Boshqarma va Bo‘lim tomonidan qabul qilinadigan qarorlar amalga oshirilishining sifati, pirovard natijalari va oqibatlari;

huquqni qo‘llash amaliyotida aniqlangan muammolarni har tomonlama va chuqur tahlil qilish asosida o‘z hududida tegishli sohani rivojlantiriga doir takliflarni tayyorlash;

o‘z faoliyati sohasini rivojlantirish bo‘yicha dasturlar, tadbirlar rejalari, “yo‘l xaritalari” va boshqa dasturiy hujjatlarning samarali amalga oshirilishi uchun javobgardir.

IV. Boshqarma va Bo‘lim boshlig‘ining asosiy funksional majburiyatlari

13. Quyidagilar Boshqarma boshlig‘ining asosiy funksional majburiyatlari hisoblanadi:

1) Boshqarma faoliyatini rejalashtirishni tashkil etish, Boshqarma va uning tizimiga kiruvchi idoralarning har choraklik ish rejalarini tasdiqlash, ularning bajarilishi ustidan nazoratni ta’minlash;

2) Boshqarmada kadrlarni tanlash va joy-joyiga qo‘yish, ularning samarali faoliyat ko‘rsatishi uchun zarur shart-sharoitlar yaratish, kadrlar zaxirasini shakllantirish;

3) Vazir nomenklaturasiga kiradigan bo‘sh lavozimlarga taklif etilgan kadrlarning, shuningdek Boshqarmaga ishga qabul qilinayotgan boshqa kadrlarning professionalligi, o‘z ishini bilishi, amaliy tajribaga, yuksak darajada ishchanlik va ma’naviy-axloqiy fazilatlarga ega ekanligi kafolatini ta’minlash;

4) Boshqarma xodimlarini rag‘batlantirish va intizomiy javobgarlikka tortish masalalarini hal qilish, o‘z o‘rinbosarlarini rag‘batlantirish va intizomiy javobgarlikka tortish to‘g‘risida takliflar kiritish, shu jumladan, ular egallab turgan lavozimda qolishining maqsadga muvofiqligiga doir masalalarni ko‘rib chiqish, ularning shaxsiy mas’uliyatini oshirish bo‘yicha muntazam chora-tadbirlar ko‘rish;

5) Boshqarma xodimlari faoliyatining samaradorligi va natijadorligini tizimli ravishda tanqidiy tahlil qilish, yig‘ilishlarda ularning shaxsiy hisobotlarini eshitish, ularning yakunlari bo‘yicha zarur chora-tadbirlar ko‘rish;

6) Boshqarma tizimiga kiruvchi idoralar mansabdor shaxslarining vakolatlarini belgilash, Boshqarma faoliyatining alohida tarmoqlariga rahbarlik qilish uchun ularning shaxsiy javobgarligi darajasini belgilash;

14. Quyidagilar Boshqarma va Bo‘lim boshlig‘ining asosiy funksional majburiyatlari hisoblanadi:

1) Boshqarma va Bo‘lim faoliyatiga umumiy rahbarlik qilish, O‘zbekiston Respublikasi Prezidentining tegishli Farmoni va qarori, Vazirlar Mahkamasining qarori va boshqa qonun hujjatlari, shuningdek Vazirlik hujjatlari bilan Boshqarmaga yuklangan vazifalar va funksiyalar bajarilishini tashkil etish;

2) Boshqarma va Bo‘lim faoliyati bilan bog‘liq prognoz ko‘rsatkichlarga erishishni so‘zsiz ta’minlash bo‘yicha amaliy chora-tadbirlarni ishlab chiqish va qabul qilish;

3) Boshqarma va Bo‘lim xodimlari tomonidan O‘zbekiston Respublikasi Prezidenti va Vazirlar Mahkamasining qarorlari va topshiriqlari ijrosini ta’minlash, ijro intizomini mustahkamlash bo‘yicha kompleks amaliy chora-tadbirlarni amalga oshirish, shuningdek kelib tushgan topshiriqlarning o‘z vaqtida va sifatli bajarilishi uchun xodimlarining shaxsiy mas’uliyatini oshirish chora-tadbirlarini ko‘rish;

4) Vazirlik hay’ati qarorlari, Vazir va uning o‘rinbosarlari buyruqlari hamda topshiriqlari o‘z vaqtida va sifatli bajarilishini ta’minlash;

5) Vazirlik faoliyati sohasiga kiradigan masalalar yuzasidan mahalliy davlat hokimiyati organlari va kompleks ijtimoiy-iqtisodiy rivojlantirish bo‘yicha sektorlar bilan hamkorlik qilish;

6) o‘z bo‘ysunuvidagi xodimlarini rag‘batlantirish va intizomiy javobgarlikka tortish masalalari bo‘yicha takliflar kiritish, ularning shaxsiy mas’uliyatini oshirish bo‘yicha muntazam chora-tadbirlar ko‘rish;

7) Boshqarma xodimlari tomonidan O‘zbekiston Respublikasi Adliya vazirligi xodimlarining Odob-axloq qoidalari talablariga rioya qilishini ta’minlash;

8) “Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq Boshqarmada korrupsiya va boshqa huquqbuzarliklarning oldini olish choralarini ko‘rish, shuningdek huquqni qo‘llash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

9) Boshqarma faoliyatiga oid masalalar bo‘yicha qonun hujjatlarini takomillashtirish, shuningdek davlat xizmatlari samaradorligi, sifati va ulardan erkin foydalanishni oshirish bo‘yicha takliflarni ishlab chiqish hamda ularni ko‘rib chiqish uchun Vazirlik rahbariyatiga kiritish;

10) jismoniy va yuridik shaxslarning murojaatlarini ko‘rib chiqish, aholi bilan to‘g‘ridan-to‘g‘ri va ochiq muloqotni yo‘lga qo‘yish, muntazam ravishda shaxsiy, shu jumladan sayyor qabullar o‘tkazish;

11) O‘zbekiston Respublikasi Prezidentining Xalq qabulxonalari bilan samarali hamkorlik qilish, jismoniy va yuridik shaxslarning O‘zbekiston Respublikasi Prezidentining Virtual qabulxonasidan tushgan murojaatlarini o‘z vaqtida va to‘laqonli ko‘rib chiqish;

12)  xodimlar lavozim maoshiga mukofotlar, ustamalar to‘lash, ularga moddiy yordam berish, ularni mukofotlash, rag‘batlantirish va ularga intizomiy chora qo‘llash to‘g‘risida qaror qabul qilish, ularni davlat mukofotlari va idoraviy mukofotlar bilan taqdirlash to‘g‘risida takliflar kiritish;

13) davlat sirini yoki qonun bilan qo‘riqlanadigan boshqa sirni tashkil etuvchi ma’lumotlarning himoya qilinishini ta’minlash.

V. Boshqarma va Bo‘lim boshlig‘ining javobgarligi

15. Boshqarma va Bo‘lim boshlig‘i:

Boshqarmaga yuklangan vazifalar va funksiyalarning bajarilishi;

ushbu Nizomda ko‘rsatilgan o‘z funksional vazifalarining sifatli bajarilishi uchun shaxsan javob beradi.

VI. Boshqarma va Bo‘lim faoliyatini tashkil etish

16. Boshqarmaga O‘zbekiston Respublikasi Prezidentining roziligi bilan Vazir tomonidan lavozimga tayinlanadigan va lavozimdan ozod qilinadigan Boshqarma boshlig‘i boshchilik qiladi.

Boshqarma boshlig‘ining Vazir tomonidan lavozimga tayinlanadigan va lavozimdan ozod qilinadigan uch nafar o‘rinbosarlari, shu jumladan bir nafar birinchi o‘rinbosari bo‘ladi.

17. Boshqarma boshlig‘i bo‘lmagan vaqtda uning vakolatlari boshqarma boshlig‘ining birinchi o‘rinbosari tomonidan, u bo‘lmagan vaqtda esa Vazir buyrug‘iga asosan boshqa o‘rinbosar tomonidan amalga oshiriladi.

18. Boshqarmaning markaziy apparati bo‘limlari rahbarlari boshliq tomonidan lavozimga tayinlanadi va lavozimdan ozod etiladi, qonun hujjatlari bilan belgilangan hollar bundan mustasno.

19. Bo‘limga Boshqarma rahbarining tavsiyasiga binoan O‘zbekiston Respublikasi adliya vaziri tomonidan lavozimga tayinlanadigan va lavozimdan ozod qilinadigan boshliq rahbarlik qiladi.

20. Bo‘lim boshlig‘i bo‘lmagan vaqtda uning vakolatlari Boshqarma boshlig‘ining buyrug‘iga asosan belgilangan boshqa xodim tomonidan amalga oshiriladi.

21. Boshqarma va Bo‘lim Vazirlik markaziy apparatining tarkibiy tuzilmalari bilan o‘zaro hamkorlik qiladi, shu jumladan:

Vazirlik rahbariyati topshiriqlari ijrosi haqida xabar beradi;

belgilangan faoliyat sohasida qonun hujjatlarini amalga oshirish bo‘yicha faoliyat natijalari to‘g‘risida axborot taqdim etadi;

Boshqarma va Bo‘lim faoliyatini tekshirish va o‘rganish natijasida ishda aniqlangan kamchiliklar va qoidabuzarliklarni bartaraf etish natijalari to‘g‘risida xabar beradi;

o‘z faoliyati natijalari to‘g‘risidagi hisobotlarni belgilangan tartibda va muddatlarda yuqori organga taqdim etadi;

Vazirlik vakolatiga taalluqli sohalardagi muammolarni hal qilishga qaratilgan takliflarni Vazirlikning markaziy apparatiga yuboradi;

davlat organlari va tashkilotlarining hududiy bo‘linmalari, kompleks ijtimoiy-iqtisodiy rivojlantirish bo‘yicha sektorlar bilan o‘zaro hamkorlik natijalari to‘g‘risida xabar beradi;

vakolatli organlar tomonidan o‘tkazilgan o‘z faoliyatini tekshirish natijalari to‘g‘risida ma’lumot beradi.

22. Vazirlik markaziy apparati va hududiy adliya organlarining o‘zaro hamkorligi jarayonida yuzaga keladigan kelishmovchiliklar Vazirning topshirig‘iga binoan uning tegishli o‘rinbosari tomonidan ko‘rib chiqiladi. Agar vazir o‘rinbosari tomonidan kelishmovchiliklarni tartibga solishning imkoniyati bo‘lmasa, so‘nggi qaror bevosita vazir tomonidan qabul qilinadi.

23. Boshqarma va Bo‘lim o‘z vakolatlari doirasida davlat organlari va tashkilotlarining hududiy bo‘linmalari, mahalliy davlat hokimiyati organlari va boshqa tashkilotlar bilan o‘zaro hamkorlik qiladi.

Boshqarma va Bo‘lim tegishli hududlarni ijtimoiy-iqtisodiy rivojlantirish bo‘yicha “yo‘l xaritalari”ni ishlab chiqishda va amalga oshirishda kompleks ijtimoiy iqtisodiy rivojlantirish bo‘yicha sektorlar bilan o‘zaro yaqin hamkorlik qiladi.

Boshqarma o‘z vakolatlari doirasida intellektual mulk sohasida huquqbuzarliklarni aniqlash va oldini olish bo‘yicha huquqni muhofaza qiluvchi, soliq va boshqa hududiy davlat organlari bilan hamkorlik qiladi.

VII. Boshqarmaning hay’ati, boshqa kengash, maslahat,
ekspert organlari

24. Boshqarmada boshliq (hay’at raisi), uning o‘rinbosarlari (lavozimi bo‘yicha), shuningdek uning faoliyatining asosiy yo‘nalishlarini muvofiqlashtiruvchi tarkibiy tuzilmalar rahbarlaridan iborat tarkibda hay’at tuziladi.

Hay’at tarkibining soni va shaxsiy tarkibi boshliqning taqdimnomasiga binoan Vazir tomonidan tasdiqlanadi.

Hay’at a’zosi (uning tarkibiga lavozimi bo‘yicha kiradigan a’zolardan tashqari) lavozimidan ozod etilgan hollarda adliya organi rahbari vazirlikka hay’at tarkibini o‘zgartirish bo‘yicha taqdimnoma taqdim qilmagan taqdirda, ushbu lavozimga yangidan tayinlangan shaxs hay’at a’zosi hisoblanadi.

25. Hay’atga quyidagi vazifalar yuklanadi:

Boshqarma faoliyatining ushbu Nizomda belgilangan asosiy yo‘nalishlarini ishlab chiqish va amalga oshirish;

qonun hujjatlarida, O‘zbekiston Respublikasi Prezidenti hujjatlari va O‘zbekiston Respublikasi Xukumati qarorlarida belgilangan vazifalarni o‘z vaqtida va sifatli amalga oshirilishini ta’minlash uchun Boshqarma tizimidagi idoralar xodimlari va rahbarlarining shaxsiy javobgarligini oshirish bo‘yicha choralarini ko‘rgan holda tizimdagi idoralar rahbarlari hisobotlarining muntazam ravishda eshitilishini tashkil etish;

Boshqarma faoliyati sohasidagi hududiy va tarmoq dasturlari amalga oshirilishining natijadorligini har chorakda va muntazam ko‘rib chiqish;

joylarda Boshqarma faoliyati sohasidagi dolzarb masalalar muhokama qilinishini ta’minlagan holda hay’atning kengaytirilgan sayyor majlislari o‘tkazilishini tashkil etish, shuningdek yuzaga kelgan muammolarni bartaraf etish bo‘yicha tegishli qarorlarni ishlab chiqish va qabul qilish;

Boshqarma markaziy apparati va uning tizimiga kiradigan lavozimlar nomenklaturasini ko‘rib chiqish va tasdiqlash;

O‘zbekiston Respublikasi Prezidenti va Vazirlar Mahkamasining qarorlari va topshiriqlari, Vazirlik hay’ati va Vazirning qarorlari va topshiriqlari bilan belgilangan vazifalarning o‘z vaqtida va sifatli bajarilishini ta’minlash uchun Boshqarma rahbarlari va xodimlarining ijro intizomini mustahkamlash va shaxsiy javobgarligini oshirish.

Hay’at Boshqarma vakolatiga kiritilgan boshqa masalalarni ham ko‘rib chiqishga haqlidir.

26. Hay’at majlisiga davlat organlari va tashkilotlarining hududiy bo‘linmalari rahbarlari, ularning vakolatiga kiradigan masalalar yuzasidan taklif etilishi mumkin.

27. Hay’at, agar uning majlisida hay’at tarkibining yarmidan ko‘pi qatnashsa, vakolatli hisoblanadi. Ko‘rib chiqilayotgan masalalar yuzasidan qarorlar oddiy ko‘pchilik ovoz bilan qabul qilinadi.

28. Hay’at qarorlari boshliqning buyruqlari bilan amalga oshiriladi.

29. Boshliq va hay’at a’zolari o‘rtasida kelishmovchiliklar yuzaga kelgan taqdirda, boshliq yuzaga kelgan kelishmovchiliklar haqida Vazirga axborot bergan holda mustaqil ravishda qaror qabul qiladi. Hay’at a’zolari ham Vazirga o‘z fikrini xabar qilishi mumkin.

30. Hay’at faoliyati tartibi hay’at tomonidan tasdiqlanadigan uning reglamenti bilan belgilanadi.

31. Boshqarmada boshqa kengash, maslahat va ekspertlik organlari tuzilishi mumkin.

32. Boshqarma huzurida tuziladigan kengash, maslahat va ekspertlik organlari tarkibi va ular to‘g‘risidagi nizomlar boshliq tomonidan tasdiqlanadi, ularning tarkibi va nizomlari Vazir buyruqlari bilan tasdiqlanadigan holatlar bundan mustasno.

VIII. Boshqarma va Bo‘lim faoliyati samaradorligi va natijadorligini
baholash mezonlari va ish indikatorlari

33. Boshqarma va Bo‘lim faoliyatining samaradorligi muntazam baholanadi.

34. Boshqarma va Bo‘lim faoliyati samaradorligi va natijadorligiga berilgan baho Vazirlik tomonidan tasdiqlanadigan Boshqarma faoliyati samaradorligi va natijadorligini baholash mezonlari va ish indikatorlariga asoslanadi.

35. Boshqarma va Bo‘lim faoliyati samaradorligi va natijadorligini baholash yakunlari bo‘yicha:

Boshqarma va Bo‘lim boshlig‘i va xodimlarini rag‘batlantirish (mukofotlash) yoki intizomiy javobgarlikka tortish;

Boshqarma va Bo‘lim faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari ko‘riladi.

IX. Boshqarmani moliyalashtirish va moddiy-texnik ta’minlash,
uning xodimlari mehnatiga haq to‘lash va moddiy rag‘batlantirish

36. Boshqarmani moddiy-texnik ta’minlash harajatlarini moliyalashtirish, shuningdek xodimlari mehnatiga haq to‘lash va moddiy rag‘batlantirish O‘zbekiston Respublikasi Davlat byudjeti, byudjetdan tashqari fondlarning manbalari va qonun hujjatlarida taqiqlanmagan boshqa manbalar hisobiga amalga oshiriladi.

37. Bo‘limni moddiy-texnik ta’minlash harajatlarini moliyalashtirish, shuningdek ularning xodimlari mehnatiga haq to‘lash va moddiy rag‘batlantirish mahalliy byudjet, byudjetdan tashqari fondlarning manbalari va qonun hujjatlarida taqiqlanmagan boshqa manbalar hisobiga amalga oshiriladi.

38. Boshqarma va Bo‘lim xodimlarining ish haqi lavozim maoshi, mukofotlar, qo‘shimcha haqlar, ustamalardan va qonun hujjatlarida nazarda tutilgan boshqa to‘lovlardan iborat.

Xizmat vazifasini sidqidildan va samarali bajarib kelayotgan yuqori malakali, tashabbuskor xodimlarga yuqori malakasi uchun Vazir tomonidan byudjetdan tashqari Adliya organlari va muassasalarini rivojlantirish jamg‘armasi mablag‘lari hisobidan shaxsiy ustamalar belgilanishi mumkin.

Boshqarma boshlig‘i byudjet tashkilotlari xodimlari mehnatini rag‘batlantirish, ular faoliyati samaradorligini oshirish va kadrlarning o‘rnashib qolishi uchun shart-sharoitlar yaratish maqsadida chorak yakunlari bilan boshqarmaning rivojlantirish jamg‘armasi mablag‘lari hisobidan belgilangan tartibda xodimlarni muntazam rag‘batlartirib borish;

Xodimlar lavozim maoshlariga har oyda qo‘shiladigan rag‘batlantirish xususiyatiga ega bo‘lgan qo‘shimcha haqlar va ustamalar Vazir tomonidan tasdiqlanadigan qoidalarga muvofiq to‘lanadi.

39. O‘zbekiston Respublikasi Prezidenti va O‘zbekiston Respublikasi Vazirlar Mahkamasi qarorlari bilan boshqa lavozimlarga tayinlangan yoki O‘zbekiston Respublikasi Oliy Majlisi Senati, Qonunchilik palatasiga saylangan (tayinlangan) Boshqarma xodimlarida Boshqarmada berilgan ko‘p yillik xizmatlari uchun qo‘shimcha haq va ustamalar hamda martaba darajalari saqlanadi.

X. Boshqarma va Bo‘limning hisobdorligi

40. Boshqarma va Bo‘lim rahbarlari o‘zlarining faoliyati to‘g‘risida yuqori turuvchi organga muntazam ravishda hisobot beradi.

41. Vazirlik markaziy apparatining rahbarlari Boshqarma rahbarlariga, Boshqarma Bo‘lim xodimlariga yuklangan vazifalarning samarali bajarilishi bo‘yicha ular faoliyatini ustidan muntazam monitoring olib boradi, faoliyati samaradorligiga xolisona baho beradi.

42. Monitoring va baholash yakunlari bo‘yicha Boshqarma va Bo‘limning alohida o‘rnak ko‘rsatgan rahbarlari, mansabdor shaxslari va xodimlari rag‘batlantiriladi yoxud yo‘l qo‘yilgan jiddiy kamchiliklar uchun egallab turgan lavozimidan ozod etishgacha bo‘lgan javobgarlikka tortiladi.

XI. Yakunlovchi qoida

43. Boshqarma va Bo‘limni qayta tashkil etish va tugatish qonun hujjatlarida belgilangan tartibda amalga oshiriladi.